பல்வேறு தொடர்பாடல் சாதனங்களும் அதற்கான உபகரணங்கள் தொகையொன்றும் மஸ்கெலியா பிரதேசத்தின் தோட்டமொன்றில் மேற்கொள்ளப்பட்ட சுற்றிவளைப்பு தேடுதலின் போது கண்டுபிடிக்கப்பட்டுள்ளது.
நேற்று பிற்பகல் காவற்துறை விசேட அதிரடிப்பிரினருடன் இணைந்து காவற்துறை மேற்கொண்ட தேடுதல் நடவடிக்கையின் போது இந்த சாதனங்கள் கண்டுபிடிக்கப்பட்டதாக தெரிவிக்கப்படுகிறது.
இதன்போது , 4 வாக்கிடோக்கி கருவிகள் உட்பட பல தொடர்பாடல் சாதனங்கள் கண்டுபிடிக்கப்பட்டதாக காவற்துறை குறிப்பிட்டுள்ளது.
எவ்வாறாயினும் , சம்பவம் தொடர்பில் சந்தேகநபர்கள் எவரும் இதுவரை கைது செய்யப்படவில்லை என தெரிவிக்கப்படுகிறது.
சம்பவம் தொடர்பில் விசாரணைகள் தொடர்ந்தும் இடம்பெற்று வருவதாக காவற்துறை தெரிவித்துள்ளது.
