பச்சைப்பயறில் அதிகளவு சத்துக்கள் நிறைந்துள்ளது என்பது அனைவரும் அறிந்ததே.
இந்தவகையில் பச்சைப்பயறில் சத்தான சுவையான கஞ்சி செய்வது எப்படி என்று பார்க்கலாம்.
தேவையான பொருட்கள்
- முழு பச்சைப் பயறு – ஒரு கப்
- பச்சை மிளகாய் – 2
- பூண்டுப் பல் – 5
- பெருங்காயத்தூள் – ஒரு சிட்டிகை
- வெந்தயம் – ஒரு டீஸ்பூன்
- இஞ்சி விழுது – ஒரு டீஸ்பூன்
- உப்பு – தேவைக்கேற்ப.
செய்முறை
முதலில் வெந்தயத்தை 15 நிமிடங்கள் ஊற வைக்கவும்.
பின்னர் மிளகாயை பொடியாக நறுக்கி கொள்ளவும். பச்சைப்பயறை அலசி, 6 மணிநேரம் ஊறவைத்துக் கொள்ளவும்.
ஊறிய பச்சைப்பயறுடன் நறுக்கிய பச்சை மிளகாய், நறுக்கிய பூண்டுப் பல், ஊறவைத்த வெந்தயம், இஞ்சி விழுது கலந்து, உப்பு சேர்த்து குக்கரில் வேகவிடவும்.
விசில் போனவுடன் இறக்கி வைத்து, சூடாக பெருங்காயத்தூள் சேர்த்துப் பரிமாறவும்.
