நடிகர் கெளதம் கார்த்திக் இயக்குநர் முத்தையா இயக்கத்தில் நடித்த படம் தேவராட்டம். இந்த படத்தில் கெளதம் கார்த்திக்கு ஜோடியாக நடிகை மஞ்சிமா மோகன் நடித்துள்ளார். மே 1-ம் தேதி திரைக்கு வந்த இப்படம் சில சர்ச்சைகளில் சிக்கினாலும் நல்ல விமர்சனங்களை பெற்று வருகிறது.
மணிரத்னம் இயக்கத்தில் கடல் படத்தின் மூலம் நாயகனாக அறிமுகமான நடிகர் கார்த்தியின் மகனான கவுதம் கார்த்திக் வசூல் ரீதியாக பெறிய வெற்றிகள் இதுவரை அமையாத நிலையில். தேவராட்டம் திரைப்படம் அவருக்கு பெரிய ஓபனிங்கை பெற்றுத்தந்துள்ளது. தேவராட்டம் திரைப்படம் தமிழகத்தில் மட்டும் முதல் 5 நாட்களில் 6.5 கோடி வசூல் செய்துள்ளது.
தேவராட்டம் வசூல் நிலவரம் குறித்து தயாரிப்பு நிறுவனம் தனது ட்விட்டர் பக்கத்தில் கெளதம் கார்த்திக் படங்களில் தேவராட்டம் படம் மிகப்பெரிய ஓபனிங்கை பெற்றுள்ளது. படம் தமிழ்நாட்டில் மட்டும் 6.5 கோடி வசூல் செய்துள்ளது. நிச்சயம் வரும் வாரங்களிலும் படம் நல்ல வசூலை ஈட்டும் என்று தெரிவித்துள்ளது
With Devarattam, @Gautham_Karthik registers his biggest ever opening! The family entertainer has grossed 6.5cr in its opening weekend in TN Box office! Sure to have its dream run in the 2nd week too! #DevarattamMassHit @dir_muthaiya @SF2_official @nivaskprasanna pic.twitter.com/h8R0txbPWJ
— Studio Green (@StudioGreen2) May 6, 2019
முன்னதாக தேவராட்டம் படம் என்னை காப்பாற்றும் என நம்புகிறேன் என்று கெளதம் கார்த்திக் பேசியிருந்தார். அதே போல் படத்திற்கு நல்ல விமர்சனங்கள் வருவதால் கெளதம் கார்த்திக் படங்களிலேயே அதிக வசூல் செய்த படமாக தேவராட்டம் இருக்கும் என எதிர்பார்க்கப்படுகிறது.
