இளைஞர் ஒருவர் தனது சொந்த திருமண வைபவத்தில் இணையம் மூலமான வீடியோ கேம் விளையாடிக்கொண்டிருந்த காட்சி அடங்கிய வீடியோ இணையத்தில் வேகமாகப் பரவுகிறது.
தனக்கு அருகில் மணமகள் அமர்ந்திருந்த போதிலும், மணமகனின் கவனம் முழுவதும் மேற்படி ஒன்லைன் கேம் மீதே இருந்தது.
திருமணப் பரிசு ஒன்று அவருக்கு அளிக்கப்படும்போதுகூட அவர், அதை தட்டி விட்டு அவர் ஒன்லைன் கேம் விளையாட்டைத் தொடர்ந்தார்.
இந்தச் சம்பவம் எங்கு நடந்தது, எப்போது நடந்தது என்பது குறித்த உறுதியான தகவல்கள் ஏதும் தெரியவில்லை.
இந்த வீடியோவுக்கு பலரும் நகைச்சுவையாக கொமன்ட் செய்து வருகின்றனர்.
முதன் முதலில் இந்த வீடியோ டிக் டோக் அப்பில் தரவேற்றப்பட்டது.
பின்னர் பேஸ் புக், டுவிட்டர் உள்ளிட்ட சமூக வலைதளங்களுக்கும் பரவியது.
PUBG (PlayerUnknown’s Battlegrounds) எனும் ஒன்லைன் கேம் விளையாட்டில் மேற்படி மணமகன் ஈடுபட்டிருந்தார். இந்த ஓன்லைன் கேம் 2017 டிசெம்பரில் வெளியிடப்பட்டமை குறிப்பிடத்தக்கது.
