ஜனாதிபதி மைத்திரிபால சிறிசேனவின் அதிகாரபூர்வ பேஸ்புக் பக்கம் முடக்கப்பட்டு, நேரலையான காணொளி ஒன்று ஒளிபரப்பப்பட்டுள்ளது.
கொழும்பு ஊடகம் ஒன்று வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது. இது குறித்து அந்த செய்தியில் தொடர்ந்தும் தெரிவிக்கப்பட்டுள்ளதாவது,
“ஜனாதிபதியின் அதிகாரபூர்வ பேஸ்புக் பக்கத்தில் திடீரென நேரலை காணொளி ஒன்று பதிவேற்றப்பட்டது. ஐந்து நிமிடங்களுக்கு வாகனப் போக்குவரத்து தொடர்பாக காட்சி ஒளிபரப்பப்பட்டது.
முகநூல் கணக்கினுள் நுழைந்து யாரேனும் இந்த பதிவை இட்டனரா அல்லது, ஜனாதிபதி ஊடகப் பிரிவினால் தவறுதலாக இந்தப் பதிவேற்றம் நிகழ்ந்ததா? என சம்பந்தப்பட்ட தரப்பினரே விசாரிக்க வேண்டும்” என கோரப்பட்டுள்ளதாக அந்த செய்தியில் மேலும் தெரிவிக்கப்பட்டுள்ளது.
