புகையிரத திணைக்களத்தில் உள்ள பிரச்சினைகளுக்கு ஒருமித்த வகையிலே தீர்வை பெற்றுக்கொடுக்க முடியும் எனத் தெரிவுத்துள்ள அரசாங்கம், ஒரு தரப்பினரின் கோரிக்கைகளை நிறைவேற்றும்போது, பிறிதொரு தரப்பினர் பாதிக்கப்படுவார்கள். அனைவரும ஏற்றுக் கொள்ள கூடிய தீர்வை வழங்க முடியுமே தவிர ஒரு தரப்பினரின் கோரிக்கைகளை மாத்திரம் நிறைவேற்ற முடியாது என்றும் குறிப்பிட்டுள்ளது.
இதேவேளை சம்பள முரண்பாடு மற்றும் பதவியுயர்வு உள்ளிட்ட கோரிக்கைகளை முன்வைத்து புகையிரத தொழிற்சங்கத்தினர் பணி புறக்கணிப்பு போராட்டம் நாளையும் முன்னெடுக்கப்படவுள்ளது.
இந்த பணிபகிஷ்கரிப்பு போராட்டம் காரணமாக இன்று காலை முதல் வழமையான சேவையில் ஈடுப்படவிருந்த 45 புகையிரதசேவைகள் இரத்தாகியுள்ளன.
எனினும் தூர பிரதேச புகையிரதங்களான யாழ். தேவி வழமை போல் சேவையில் உள்ளது. மற்றும் ஒருசில புகையிரதங்களும், 09 அலுவலக புகையிரங்களும் வழமையான நேர அட்டவணைக்கு கீழ் இயங்காமல் ஒரு குறிப்பிட்ட நேரத்தில் சேவையில் ஈடுப்படுத்தப்பட்டுள்ளன.
இந் நிலையில் புகையிரத பயணங்களுக்கு ஆசனங்களை பதவி செய்துள்ளவர்கள் ஆசன பதவி கட்டணங்கள் மீள பெற்றுக்கொள்ள நடவடிக்கையும் முன்னெடுக்கப்பட்டுள்ளது.
இதேவேளை மலையகத்திற்கான புகையிரத சேவைகள் முழுமையாக இரத்து செய்யப்பட்டுள்ளதுடன் நாளை மறுதினம் குறித்த பிரதேசங்களுக்கான புகையிர சேவைகள் வழமை போல் நடைமுறையில் இருக்கும்.
புகையிரத பணிப்புறக்கணிப்பினை தொடர்ந்து பயணிகள் எதிர்க் கொள்ளும் அசௌகரியங்கனை தவிர்ப்பதற்கு 800 இலங்கை போக்குவரத்து பஸ்கள் மேலதிக சேவையில் ஈடுப்படுத்தப்பட்டுள்ளன.
