நம் அன்றாட வாழ்வில் புதுப்புது ஆச்சரியங்கள் நிகழ்ந்து கொண்டுதான் இருக்கின்றன.
எரிமலை என்றவுடன் நம் நினைவிற்கு வருவது எரிமலை வெடித்து சிவப்பு நிறத்தில் வெளிவரும் லாவா குழம்புகள்தான்.
இந்தோனேஷியாவில் உள்ள ஒரு எரிமலை வெடித்து வெளிவரும் லாவா குழம்பின் நிறம் எது என்று தெரியுமா? அதைப் பற்றிதான் இன்று தெரிந்துகொள்ளப் போகிறோம்..
பல எரிமலைகளை கொண்ட நாடுகளில் இந்தோனிஷியாவும் ஒன்று.
இந்தோனேஷியா நாட்டில் அமைந்துள்ள ஜாவா தீவின் கிழக்குப்பகுதியில் அமைந்துள்ளது கவா இஜென் எரிமலை.
பார்க்க வித்தியாசமாகவும், அழகாகவும் இருந்தாலும், இது நச்சுத்தன்மை கலந்த புகையை விடுவதாக விஞ்ஞானிகள் கூறுகின்றனர்.
ஆனால் மலையேறும் ஆர்வலர்கள், முகத்தில் துணியைக் கட்டி மலைமேல் ஏறி நீலநிறக் கற்களை சேகரிப்பதில் மிகவும் ஆர்வம் காட்டி வருகின்றனர்.
இந்த எரிமலை விடும் நீலநிற நெருப்புப் பிழம்பு இரவில் மட்டுமே தெரிவதாக கூறுகின்றனர்.
இந்த எரிமலையின் முகப்புக்குள் ஒரு மிகப்பெரிய ஆசிட் ஏரி (ஊசயவநச டுயமந) இருப்பதாகவும், இது நீல ஏரி எனவும் அழைக்கின்றனர்.
இந்த ஏரியில் இருக்கும் ஆசிட்டின் மதிப்பு 0.5. அதாவது நமது கார் பேட்டரிகளில் இருக்கும் ஆசிட் போன்றது.
மிகப்பெரிய பாதிப்பை ஏற்படுத்தவில்லை என்றாலும் தொடர்ச்சியாக உடலின் மேல் படுவதால் பாதிப்புகள் நிகழ்வதாக கூறுகின்றனர்.
இந்த ஏரிக்கு அருகில்தான் பெரும்பாலான கந்தகத் தாதுக்கள் இருக்கின்றன எனவும், இத்தகைய அபாயங்களைக் கொண்ட இஜென் எரிமலைச் சுரங்கமானது மிகப் புகழ்பெற்ற சுற்றுலாத்தலமாகவும் இருந்து வருகிறது.
மேலும், பகல் நேரங்களில் இந்தப் பகுதியின் வெப்பநிலை சாதாரண வெப்பநிலையை விட அதிகமாக இருப்பதாக கூறப்படுகிறது.
எரிமலையின் முகப்புப் பகுதியில் கண்ணைக் கவரும் வகையில் தோன்றும் நீலநிற தீ சுவாலைகள்தான் சுற்றுலாப் பயணிகளை அதிகம் ஈர்க்கிறது.
