இரண்டாவது போட்டி இன்று… தொடரை வசப்படுத்துமா இலங்கை?

இலங்கை மற்றும் பங்களாதேஷ் அணிகளுக்கிடையேயான இரண்டாவது சர்வதேச ஒருநாள் போட்டி இன்று இடம்பெறவுள்ளது.

இலங்கைக்கு சுற்றுப் பயணம் மேற்கொண்டு வருகை தந்துள்ள பங்களாதேஷ் கிரிக்கெட் அணியானது மூன்று போட்டிகள் கொண்ட ஒருநாள் கிரிக்கெட் தொடரில் இலங்கை அணியுடன் பலப்பரீட்சை நடத்துகிறது.

இதில் முதலாவதாக நேற்றுமுன்தினம் இடம்பெற்ற போட்டியில் இலங்கை அணி 91 ஓட்டத்தினால் வெற்றிபெற்று தொடரில் 3 : 1 என்ற கணக்கில் முன்னிலையில் உள்ளது.

இந் நிலையிலேயே தொடரின் இரண்டாவது போட்டி இன்று பிற்பகல் 2:30 மணிக்கு கொழும்பு, ஆர் பிரேமதாச மைதானத்தில் ஆரம்பமாகவுள்ளது.

இப் போட்டியில் வெற்றிபெற்று தொடரை கைப்பற்ற வேண்டும் என்ற முனைப்புடன் இலங்கை அணியும், பதிலடி கொடுத்து தொடரை தக்க வைக்க வேண்டும் என்ற நோக்குடன் பங்களாதேஷ் அணியும் ஒன்றுடன் ஒன்று இன்றைய போட்டியில் மோதவுள்ளன.

இதுவரை இவ்விரு அணிகளும் சர்வதேச ஒருநாள் கிரிக்கெட் அரங்களில் இதுவரை 46 போட்டிகளில் மோதியுள்ளன. அதில் இலங்கை அணி 37 தடவையும், பங்களாதேஷ் அணி 7 தடவையும் வெற்றிபெற்றுள்ளன. 2 போட்டிகளில் முடிவின்றி கைவிடப்பட்டுள்ளமையும் குறிப்பிடத்தக்கது.