கடந்த மாதம் அமலாபால் நடிப்பில் வெளியான ஆடை திரைப்படம் வெளியாகி ரசிகர்களிடையே நல்ல வரவேற்ப்பை பெற்றது. இதையடுத்து மான்ஸ்டர் படத்தை இயக்கிய இயக்குனர் நெல்சன் வெங்கடேசன் இயக்கத்தில் அமலாபால் நடிக்க இருக்கிறார். இந்த படத்தில் விஷ்ணு விஷால் நாயகனாக நடிக்கிறார்.
கிரிக்கெட் வீரரை பற்றிய உணர்வுபூர்வமாக தெலுங்கில் வெளி வந்த ‘ஜெர்சி’ படம் தெலுங்குவில் நல்ல ஹிட்டானது இந்த படத்தின் ரீமேக் தமிழில் வெளி வர இருக்கிறது. நானி நாயகனாக நடித்த வேடத்தில் விஷ்ணுவிஷால் நடிக்கிறார். ஷ்ரத்தா ஸ்ரீநாத் வேடத்தில் அமலாபால் நடிக்கிறார்.
கடந்த சில மாதங்களுக்கு முன்பு விஷ்ணு விஷால் மற்றும் அமலாபால் நடித்த ராட்சசன் படம் வெளியாகி ஹிட்டானது. அந்த படத்துக்குப் பிறகு விஷ்ணு விஷால் மற்றும் அமலாபால் மீண்டும் இணைந்து நடிக்கிறார்கள். ராட்சசன் படத்தில் நடித்த போதே இருவருமே ஒருவரை ஒருவர் காதலிப்பதாக கிகிசுக்கப்பட்டது. ஆனால் அப்படி ஏதும் இல்லை என இருவருமே மறுத்தனர். இந்நிலையில், மீண்டும் இணைந்துள்ளனர்.
