மட்டக்களப்பு காத்தான்குடி பகுதியில் ஆறு வயதுச் சிறுமியை பாலியல் துஷ்பிரயோகம் செய்ய முற்பட்ட முதியவரை பொலிஸார் கைதுசெய்துள்ளனர்.
இன்று காலை கிரான்குளம் கடற்கரைப் பகுதிக்கு குறித்த சிறுமியை அழைத்துச் சென்ற முதியவர் அங்கு சிறுமியை பாலியல் துஷ்பிரயோகத்திற்கு உட்படுத்த முற்பட்ட வேளை, அப்பகுதியிலிருந்த சிலரால் குறித்த சிறுமி மீட்கப்பட்டு வைத்தியசாலையில் அனுமதிக்கப்பட்டுள்ளார்.
தனது பேரப்பிள்ளை உறவு முறையான சிறுமியையே சந்தேகநபர் இவ்வாறு துஷ்பிரயோகத்திற்கு உட்படுத்த முற்பட்டுள்ளார்.
இந்நிலையில் குறித்த சிறுமி மயக்கமுற்ற நிலையில் மீட்கப்பட்டு ஆரையம்பதி வைத்தியசாலைக்கு கொண்டுசெல்லப்பட்டு அங்கிருந்து மேலதிக சிகிற்சைக்காக மட்டக்களப்பு போதனா வைத்தியசாலைக்கு மாற்றப்பட்டுள்ளார்.
இந்நிலையில் பொதுமக்களால் பிடிக்கப்பட்ட குறித்த முதியவர் காத்தான்குடி பொலிஸாரிடம் ஒப்படைக்கப்பட்டுள்ளார்.
மேலும் சம்பவம் தொடர்பான மேலதிக விசாரணைகளை காத்தான்குடி பொலிஸார் மேற்கொண்டு வருகின்றமை குறிப்பிடத்தக்கது.
