பிரபல விஜய் தொலைக்காட்சியில் ஒளிபரப்பாகும் பிக்பாஸ் சீசன் 3 ,60 நாட்கள் முடிவடைந்து மிகவும் விறுவிறுப்பாக நடந்துவருகிறது. 16 பிரபலங்கள் போட்டியாளர்களாக கலந்துகொண்ட இந்த நிகழ்ச்சியில் 8 போட்டியாளர்கள் கடந்த வாரங்களில் பிக்பாஸ் வீட்டை விட்டு வெளியேற்றப்பட்டனர்.
மூன்று சீசனிலும் காதல், சண்டை, சர்ச்சை, வாக்குவாதம் இவை அனைத்தும் அரங்கேறி வருகிறது. மக்களை இந்நிகழ்ச்சி அதிகமாக கவர்ந்து வருகின்றது. மேலும் கவின், லாஸ்லியா காதல் தொடர்ந்து வருகிறது.
பிக்பாஸ் வீட்டில் என்ன சண்டை நடந்தாலும் கவின், லாஸ்லியா காதல் கதைக்கு பஞ்சம் இல்லை. இது ரசிகர்களை அதிகம் கவர்ந்துள்ளது.
பிக்பாஸ் மீரா மிதுன் மீது பண மோசடி வழக்கு மற்றும் வனிதா மீது குழந்தை கடத்தியதாக புகார் இப்படி நிறைய சர்ச்சைகள் எழுந்தது. இந்நிலையில், அடுத்த பிக்பாஸ் சீசனில் இருந்து கமல் இந்நிகழ்ச்சியை தொகுத்து வழங்கமாட்டார் என ஒரு தகவல் இணையத்தில் பரவி வருகிறது.
மேலும் அடுத்த சீசனை சிம்பு தொகுத்து வழங்க இருப்பதாக இணையத்தில் தகவல் பரவி வருகிறது. இந்த செய்தி பிக்பாஸ் ரசிகர்களுக்கு பெரும் அதிர்ச்சியை ஏற்படுத்தியுள்ளது. ஏனென்றால் கமல் தொகுத்து வழங்கும் அளவுக்கு சிம்புக்கு பக்குவம் இருக்காது என்றும் ரசிகர்கள் கருத்து தெரிவித்து வருகின்றனர்.
அடுத்த சீசன் ஆரம்பிக்கும் போது சட்டமன்ற தேர்தல் வர இருப்பதால் நடிகர் கமல் தொகுத்து வழங்குவது சந்தேகமாக உள்ளது என்றும் கூறிவருகின்றனர். அதனால் அடுத்த சீசனில் நடிகர் சிம்புவை கொண்டு வர திட்டமிட்டுள்ளதாக சமூக வலைத்தளங்களில் வதந்தி பரவி வருகிறது.
