பிக்பாஸ் வீட்டிற்கு சிறப்பு விருந்தினராக அபிராமி, மோகன், சாக்ஷி உள்ளிட்டோர் வருகை புரிந்துள்ளனர். இந்த ட்விஸ்ட் பலரும் எதிர்பாராத ஒன்று என்பதால் ரசிகர்கள் அந்த அதிர்ச்சியிலிருந்து இன்னும் வெளிவரவில்லை. சாக்ஷி வெளியேறுவதற்கு முன்பு முக்கோண காதல் கதை ஒன்றை பிக்பாஸில் ஓடியது.
இதன் காரணமாக சாக்ஷியின் இமேஜ் மிகவும் டேமேஜ் ஆகியது. பலர் சாக்ஷியை விஷமி என்று சமூக வலைதளங்களில் கடுமையாக விமர்சித்து வந்தனர். சாக்க்ஷிக்கு கெட்ட பெயர் கிடைக்க கவின் தான் காரணம் என வனிதா மற்றும் பலரும் விமர்சித்து வருகின்றனர். வெளியில் சென்று பார்த்த பின்னர்தான் சாக்க்ஷி தான் என்ன செய்தோம் என்பதையும், தன்னுடைய இமேஜ் எந்த அளவிற்கு இருக்கிறது என்பதும் தெரிந்து கொண்டுள்ளார்.
இதன் காரணமாக கவின் மற்றும் லாஸ்லியா இருவரின் மீதும் மிகப்பெரிய கோபத்தில் இருக்கிறார். இந்த சூழ்நிலையில், அவருக்கு மீண்டும் பிக்பாஸ் வீட்டிற்குள் செல்லும் வாய்ப்பு கிடைத்திருக்கின்றது. இதன் காரணமாக, வந்ததும் வராததுமாக வனிதாவுடன் சேர்ந்து கவினை பழி வாங்க பக்காவாக ப்ளான் போட ஆரம்பித்தார் சாக்ஷி.
பிக்பாஸ் வீட்டில் இருப்போருக்கு மத்தியில் சாக்ஷியின் பார்வையே பீதியை கிளப்பும் வகையில் இருக்கின்றது. இது குறித்து சாண்டி, அபிராமியை பார்த்து,”நீ மட்டும் தான் போன மாதிரியே திரும்பி வந்திருக்க.! ஸாக்ஷிலாம் பழி வாங்கத்தான் வந்திருக்கா.” என கூறுகிறார் .அப்போது சாக்க்ஷி கோபத்துடன் கூடிய அலட்சிய பார்வை ஒன்றை அவர் வீசுகின்றார். இது, பிக் பாஸ் குறித்த எதிர்பார்ப்பை தூண்டும் வகையில் அமைந்துள்ளது.
