விஜய் தொலைக்காட்சியில் ஒளிபரப்பாகும் பிக்பாஸ் நிகழ்ச்சியில் முதல் நாளில் 16 போட்டியாளர்களுடன் தொடங்கியது. தற்போது 7 போட்டியாளர்கள் மட்டும் உள்ளனர். இந்த நிகழ்ச்சி 88 நாட்களுக்கு மேல் கடந்து ஒளிபரப்பாகி கொண்டிருக்கிறது. இன்னும் சில வாரங்களே உள்ளதால் அனைத்து போட்டியாளர்களும் சிறப்பாக விளையாடி வருகின்றனர்.
இந்த நிகழ்ச்சி இரண்டு சீசன்களை கடந்து தற்போது மூன்றாவது சீசன் நடைபெற்று கொண்டிருக்கிறது. இரண்டு சீசன்களை போலவே மூன்றாவது சீசனும் மக்கள் மத்தியில் பெரும் வரவேற்பை பெற்றுள்ளது.
இந்த நிகழ்ச்சியில் இருந்து ஒவ்வொரு வாரமும் ஒரு போட்டியாளர்கள் வெளியேறி தற்போது 7 போட்டியாளர்கள் இருக்கிறார்கள். இதை தொடர்ந்து சேரன், ஷெரின், கவின், லாஸ்லியா, சாண்டி ஆகியோர் இந்தவாரம் எவிக்சன் லிஸ்டில் இருக்கிறார்கள்.
அடுத்த கட்டமாக, இந்த வாரம் பிக்பாஸ் வீட்டில் நடக்கும் டாஸ்க்குகளில் எந்த போட்டியாளர் வெற்றி பெறுகிறரோ அவர் நேரடியாக இறுதி சுற்றுக்கு செல்வார் என்றும் பிக்பாஸ்ஸில் தெரிவித்திருந்தார்கள். இந்த டாஸ்க்குகளில் முகேன் வெற்றி பெற்று நேரடி சுற்றுக்கு சென்றார்.
இந்தநிலையில் இந்தவாரம் நாமினேஷனில் சேரன், கவின், லொஸ்லியா, ஷெரின் உள்ளனர். இந்த வாரம் வெளியேறப்போவது என்ற கேள்வி ஓடிக்கொண்டிருக்கையில்., இந்த வாரம் லாஸ்லியா வெளியேற இருப்பதாக தகவல்கள் வெளியான நிலையில்., சேரனும் சேர்ந்து வெளியேறுவதாக நம்ப தகுந்த வட்டாரங்களில் இருந்து தகவல்கள் வெளியாகியுள்ளது.
