ரோகின் வெங்கடேசன் இயக்கத்தில் முன்னணி வேடத்தில் நடிகை தமன்னா ‘நடிப்பில் உருவாகியுள்ள ‘பெட்ரோமாக்ஸ்’ திரைப்படத்தின் டிரெய்லர் வெளியாகியுள்ளது.
ஏற்கனவே இதன் போஸ்டர்கள் வெளியாகி இரசிகர்களிடம் நல்ல வரவேற்பைப் பெற்றது.
இத்திரைப்படம் தெலுங்கில் டாப்சி, வெண்ணிலா கிஷோர் நடிப்பில் வெளியாகி வெற்றி பெற்ற அனந்தோ பிரம்மா படத்தின் மறுபதிப்பாக உருவாகியுள்ளது.
பெண்களை மையப்படுத்தி எடுக்கப்படுகின்ற திரைப்படங்களுக்கு முன்னுரிமை அளித்து வருகிற நிலையில், தற்போது அந்த வரிசையில் தமன்னா ஒரு திகிலான நகைச்சுவை கதையில் கதாநாயகியாக நடித்துள்ளார்.
‘அதே கண்கள்’ வெற்றி திரைப்படத்தின் மூலம் தனது வித்தியாசமான அணுகுமுறையால் மக்களை பெரிதும் கவர்ந்த இயக்குநர் ரோகின் வெங்கடேசன் இத்திரைப்படத்தை இயக்குகிறார்.
யோகி பாபு, முனீஸ் காந்த், சத்தியன், காளி வெங்கட், மற்றும் சின்னத்திரை புகழ் டிஎஸ்கே என பலமான நகைச்சுவை கூட்டணி இத்திரைப்படத்தில் இணைந்துள்ளது. இவர்களுடன் பிரேம், ஸ்ரீஜா, கே எஸ் ஜி வெங்கடேஷ், பேபி மோனிகா மற்றும் பலரும் இணைந்து நடித்துள்ளனர்.
டேனி ரேமண்ட் ஒளிப்பதிவில், லியோ ஜான் பால் படத்தொகுப்பில், வினோத் ராஜ்குமார் கலை இயக்கத்தில், ஜிப்ரான் இசையமைப்பில் இத்திரைப்படம் உருவாகியுள்ளது.
ஒரு பிரச்சனை ஒன்று ஏற்பட அதை தீர்க்கும் நோக்கில் ஒவ்வொருவராக இணைந்து, இறுதியில் ஒரு பலமான கூட்டணியாக சேர்ந்து, தங்களது பிரச்சனைகளுக்கு தீர்வு காணும் முயற்சியில் ஈடுபடுகின்றார்கள். அந்த பிரச்சனை தீர்ந்ததா, அந்த பிரச்சனைகளுக்கு காரணம் யார், அதை அவர்கள் எப்படி வெற்றி கொண்டார்கள் என்பதை நகைச்சுவையும் திகிலும் கலந்து நகர்ந்து செல்லம் இத்திரைப்படத்தின் கதையாக அமைந்துள்ளது.
இறுதிக்கட்டப் பணிகள் முடிவடைந்த நிலையில் வரும் 11-ம் திகதி இத்திரைப்படம் வெளியாகவுள்ளது
