இந்த உலகம் முழுவதிலும் பல்வேறு விபத்துகள் தொடர்ந்து அரங்கேறி வருகிறது. உலகம் முழுவதிலும் நொடிப்பொழுதில் பல்வேறு விபத்துகள் நடைபெறுவதாகவும்., இதனால் பல உயிரிழப்புகள் ஏற்படுவதாகவும் தகவல் வெளியாகி பெரும் அதிர்வலையை பதிவு செய்கிறது. விபத்துகளால் உயிரிழந்த நபர்கள் அவர்களின் குடும்பத்தினரை தவிக்க வைத்து வருகின்றனர்.
சீன நாட்டில் உள்ள தென் பகுதியில் இருக்கும் தன்னாட்சி பிராந்தியம் குவாங்சி ஜிவாங் பகுதியில் இருக்கும் யூலின் நகர் பகுதியில் தனியார் நிர்வாகத்திற்கு சொந்தமான இரசாயன ஆலையானது செயல்பட்டு வருகிறது. இந்த தொழிற்சாலையில் ஏராளமான தொழிலாளாளர்கள் பணியாற்றி வரும் நிலையில்., திடீரென வெடிவிபத்தானது ஏற்பட்டுள்ளது.
இந்த விபத்தில் ஆலைப்பகுதி தீப்பற்றி எரிந்ததை அடுத்து., கடுமையான அதிர்ச்சிக்கு உள்ளான ஊழியர்கள்., தங்களின் உயிரை காப்பாற்றிக்கொள்ள அலறியடித்து தொழிற்சாலையை விட்டு வெளியேறினார்கள். மேலும்., பல ஊழியர்கள் உள்ளேயே சிக்கிக்கொண்டனர். இந்த சம்பவத்தால் கரும்புகை சூழ்ந்ததை அடுத்து., தீயணைப்பு படையினருக்கு தகவல் தெரிவிக்கப்பட்டது.
தகவலை அறிந்ததும் சம்பவ இடத்திற்கு விரைந்த காவல் துறையினர் மற்றும் தீயணைப்பு படையினர் போராடி மீட்பு பணியில் ஈடுபட்டு 3 பேரை பலத்த தீ காயங்களுடன் மீட்டனர். மேலும்., தீயில் சிக்கி பரிதாபமாக உயிரிழந்த 4 பேரை மீட்டனர். படுகாயமடைந்தவர்களை மீட்டு அங்குள்ள மருத்துவமனையில் அனுமதித்துள்ளனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
