விண்வெளி ஆராய்ச்சி மையமான நாசா சூரிய குடும்பத்தில் இருக்கும் வெளிப்புறத்தினை ஆய்வு செய்வதற்காக கடந்த 1977 ஆம் வருடத்தின் ஆகஸ்டு மாதத்தின் 20 ஆம் தேதியன்று வாயேஜர் 2 என்ற விண்கலத்தினை அனுப்பியது.
சூரியனின் குடும்பத்தில் இருக்கும் வியாழன்., சனி., யுரேனஸ் மற்றும் நெப்டியூன் கிரகங்களை மிக அருகில் சென்று ஆய்வுகளை மேற்கொண்ட முதல் விண்கலமாக திகழ்ந்த வாயேஜர் 2 விண்கலமானது., சூரியனின் ஈர்ப்பு விசையில் இருந்து விலக்கம் அடைந்து., “இன்டர்ஸ்டெல்லார்” நட்சத்திரத்தின் அண்டவெளி பகுதியை தற்போது சென்றடைந்துள்ளது.
இப்பகுதி அண்டவெளி கதிர்வீச்சு மற்றும் நட்சத்திர தூசுகள்., அணு மற்றும் அயனி., மூலக்கூறு வடிவில் வாயுக்கள் நிறைந்து காணப்படும் பகுதியாகும். மேலும்., கடந்த 1977 ஆம் வருடத்தின் செப்டம்பர் மாதத்தில் 5 ஆம் தேதியன்று புறப்பட்ட வாயேஜர் 1 விண்கலம்., கடந்த 2012 ஆம் வருடத்தின் ஆகஸ்ட் 25 ஆம் தேதியன்று இண்டர்ஸ்டெல்லார் பகுதியை சென்றடைந்தது.
இதனைதொடந்து இதே சாதனையை வாயேஜர் 2 விண்கலமும் செய்துள்ள நிலையில்., வாயேஜர் 2 விண்கலத்தில் இருந்து தகவலை பெறுவதற்கு சராசரியாக 16 மணிநேரம் 40 நிமிடம் எடுத்துக்கொள்வதாக தெரிவித்தனர். மேலும்., இது சூரியனின் தாக்கம் இன்டர்ஸ்டெல்லர் பகுதியில் எவ்வாறு இருக்கிறது என்பதை ஆராய்ச்சி செய்யும் என்று நாசா தெரிவித்துள்ளது.
