தேவதையை கண்டேன் தொலைக்காட்சி தொடரில் கதாநாயகனாக நடித்து வரும் ஈஸ்வர் ரகுநாத்திற்கும், அதே தொடரில் வில்லியாக வரும் மகாலட்சுமிக்கும் இடையே கள்ளத்தொர்பு இருப்பதாக நடிகை ஜெயஸ்ரீ தெரிவித்தார். ஈஸ்வரின் மனைவியான ஜெயஸ்ரீ இந்த புகாரை தெரிவித்ததால் பரபரப்பு ஏற்பட்டது. ஆனால் ஈஸ்வர் அதை மறுத்துள்ளார். இந்நிலையில் இந்த விவகாரம் தொடர்பாக முதல் முறையாக மகாலட்சுமி விளக்கம் அளித்துள்ளார்.
நானும், ஈஸ்வரும் சேர்ந்து ஒரு தொடரில் நடித்துக் கொண்டிருக்கிறோம். எங்களுக்கு இடையே இருப்பது வெறும் நட்பே. ஈஸ்வர் மீது அவரின் மனைவிக்கு சந்தேகம். இந்த பிரச்சனையில் அவர் என் பெயரை இழுத்துவிட்டார். நட்பாக பழகினாலும் ஈஸ்வரிடம் அவரின் தனிப்பட்ட விஷயம் குறித்து பேசும் பழக்கம் இல்லை. செட்டில் சோகமாக இருந்தால் என்னாச்சு என்று கேட்பேன், அவ்வளவு தான் என்கிறார் மகாலட்சுமி.
ஜெயஸ்ரீக்கும், மகாலட்சுமியின் கணவர் அனிலுக்கும் இடையே தான் தொடர்பு உள்ளது. அதற்கான ஆதாரங்களை வெளியிடுவேன் என்றார் ஈஸ்வர். இந்நிலையில் மகாலட்சுமியோ, ஜெயஸ்ரீயும், அனிலும் நண்பர்கள் என்பதே தனக்கு தெரியாது என்கிறார். மேலும் விவாகரத்து வழக்கு தொடர்பாக ஏற்பட்ட பிரச்சனையில் அனில் ஜெயஸ்ரீயை தூண்டி விடுவதாகவும் மகாலட்சுமி குற்றம் சாட்டியுள்ளார்.
மகாலட்சுமியை சன் மியூசிக் காலத்தில் இருந்து தெரியும். அவரின் கணவரையும் பல ஆண்டுகளாக தெரியும். இரு வீட்டினருக்கும் நல்ல பழக்கம் என்றார் ஜெயஸ்ரீ. அனிலும், ஜெயஸ்ரீயும் சேர்ந்து தீபாவளியை கொண்டாடியதாக ஈஸ்வர் தெரிவித்தார். இந்நிலையில் ஜெயஸ்ரீ தங்கள் திருமணத்திற்கோ, வீட்டு விசேஷத்திற்கோ வந்ததே இல்லை என்கிறார் மகாலட்சுமி.
