எங்கேயும் எப்போதும் என்ற தனது முதல் படத்திலேயே வெற்றியைப் பதித்த இயக்குநர் சரவணன் இயக்கத்தில் த்ரிஷா நடிப்பில் உருவாகியுள்ள படம் ராங்கி. இந்தப் படத்துக்கு ஏ.ஆர்.முருகதாஸ் திரைக்கதை எழுதியுள்ளார்.
லைகா நிறுவனம் தயாரிப்பில் உருவாகியிருக்கும் இந்தப் படத்துக்கு சத்யா இசையமைக்கிறார். கடந்த மே மாதத்தில் படத்தின் ஃபர்ஸ்ட் லுக் வெளியாகியிருந்த நிலையில் தற்போது படத்தின் டீசர் வெளியாகியுள்ளது. அதில், அதிரடி சண்டைக் காட்சிகளில் நடித்து ஆக்ஷன் அவதாரமெடுத்துள்ளார் நடிகை த்ரிஷா. மேலும் அடுத்த ஆண்டு இத்திரைப்படம் திரைக்கு வரும் என்று அறிவிக்கப்பட்டுள்ளது.
96 படத்துக்குப் பிறகு நடிகை த்ரிஷா நடித்துள்ள ராங்கி, பரமபதம், கர்ஜனை உள்ளிட்ட படங்கள் ரிலீசுக்காக காத்திருக்கின்றன. எனவே வரும் ஆண்டில் த்ரிஷாவின் படங்கள் அடுத்தடுத்து வெளியாகும் என்று எதிர்பார்க்கப்படுகிறது.
#Raangi #Raangiteaser@LycaProductions @ARMurugadoss #MSaravanan pic.twitter.com/oS1eBH4L9I
— Trish (@trishtrashers) December 8, 2019
