தமிழில் ரஜினி, பிரபு நடித்த தலைவன் படத்தின் மூலமாக தான் முதல் முதலில் குஷ்பு தமிழ் சினிமாவுக்கு அறிமுகமானார். அந்த படத்தில் பிரபுவுக்கு ஜோடியாக நடித்திருந்த அவர்,மன்னன் பாண்டியன் அண்ணாமலை போன்ற திரைப்படங்களில் ரஜினிக்கு ஜோடியாக நடித்தார்.
இதன்பிறகு அவர் ரஜினியுடன் எந்த படத்திலும் சேர்ந்து நடிக்காத நிலையில், தற்போது நீண்ட இடைவேளைக்கு பிறகு சிறுத்தை சிவாவின் இயக்கத்தில் நடிகர் ரஜினிகாந்த் நடிக்கும் 168 வது படத்தில் குஷ்பு நடிக்க உள்ளார். இதே படத்தில் மீனா கீர்த்தி சுரேஷ் நடிக்க உள்ளனர்.
இந்த நிலையில் குஷ்பு தனது டுவிட்டர் பக்கத்தில் பதிவு ஒன்றை வெளியிட்டுள்ளார், அதில், ஐதராபாத்தில் நடக்கும் தலைவர் 168வது படத்தின் படப்பிடிப்பில் கலந்து கொள்கிறேன். இந்த படத்தில் நடிப்பது பயமாகவும், அதே சமயம் எதிர்பார்ப்பாகவும் உள்ளது. ரஜினியுடன் மீண்டும் நடிப்பது மிகப் பெரிய சந்தோஷத்தைக் கொடுத்துள்ளது என குஷ்பு தெரிவித்துள்ளார்.
