ஓடும் பேருந்திற்குள் கைவரிசை; தாயும், மகளும் சந்தேகத்தில் கைது!

கிடாச்சூரியிலிருந்து வவுனியா நோக்கி பேருந்தில் சென்ற பெண்ணிடமிருந்து இன்று (27) மதியம் பணப்பை திருடப்பட்டுள்ளது. இதையடுத்து, பேருந்தில் பயணம் செய்த சந்தேகத்தின் பேரில் தாயும், மகளும் விசாரணைக்காக அழைத்து செல்லப்பட்டுள்ளனர்.

இந்த சம்பவத்தால் சிறிது நேரம் பரபரப்பு ஏற்பட்டது.

இன்று மதியம் கிடாச்சூரியிலிருந்து வவுனியா நோக்கி சென்ற பேருந்தில் சென்ற பெண்ணின் பையிலிருந்த பணப்பையை எடுத்து அதிலிருந்த பணம் மற்றும் இலத்திரனியல் அட்டைகள் திருடர்களால் திருடப்பட்டிருந்தது. பேருந்திலிருந்து கீழே இறங்கிய பெண் தனது பை திறக்கப்பட்டுள்ளதை பார்த்த போது பணப்பை திருடப்பட்டுள்ளது தெரியவந்துள்ளது.

இதையடுத்து வவுனியா பொலிசாருக்கு தகவல் வழங்கப்பட்டுள்ளது. சம்பவ இடத்திற்குச் சென்ற பொலிசார் குறித்த பெண்ணிற்கு அருகே பேருந்தில் நின்று வந்த தாய்இ மகள் இருவரையும் சந்தேகத்தில் விசாரணைக்காக பொலிஸ் நிலையத்திற்கு அழைத்து சென்றுள்ளதுடன் மேலதிக விசாரணைகளையும் மேற்கொண்டு வருகின்றனர்.