நாரஹேனபிட்டிய லங்கா வைத்தியசாலையில் சிகிச்சை பெற்று வரும் ராஜித சேனாரத்ன, சிறைச்சாலை வைத்தியசாலைக்கு கொண்டு செல்லப்பட்டுள்ளார். சிறைச்சாலை வைத்தியசாலையில் நோயாளர் காவு வண்டியில் லங்கா வைத்தியசாலையிலிருந்து அழைத்து செல்லப்பட்டார்.
லங்கா வைத்தியசாலையில் சிகிச்சை பெற்று வரும் ராஜிதவை, இன்று காலையில் வெலிக்கடை சிறைச்சாலையின் தலைமை வைத்தியர் பரிசோதனை மேற்கொண்டார். இதன்பின், ராஜித ஆபத்தான நிலைமையில் இல்லையென்றும், அவரை வெலிக்கடை சிறைச்சாலை வைத்தியசாலையில் அனுமதிக்கலாமென்றும் சிறைச்சாலை ஆணையாளருக்கு பரிந்துரைத்தார்.
இதையடுத்து, அவரை வெலிக்கடைக்கு கொண்டு செல்ல, சிறைச்சாலை அதிகாரிகள், லங்கா வைத்தியசாலைக்கு சென்றனர்.
அவர் சிறைச்சாலை வைத்தியசாலைக்கு மாற்றப்பட்டதை சிறைச்சாலை அதிகாரிகளும் உறுதிசெய்தனர்.
