நடிகர் விஜய்யை வைத்து படம் எடுக்கவேண்டும் என பல இயக்குனர்களுக்கும் ஆசை இருக்கும். அவரது அடுத்த படத்தை யார் இயக்கப்போகிறார் என்பது இன்னும் கேள்விக்குறியாக உள்ளது.
இந்நிலையில் பிரபல இயக்குனர் லிங்குசாமி சமீபத்தில் அளித்துள்ள பேட்டி ஒன்றில் பேசும்போது விஜய் பற்றி பேசியுள்ளார். விஜய்காக தற்போது கதை யோசித்துக்கொண்டிருக்கிறேன். சரியான கதை கிடைத்தால் சென்றுவிடுவேன் என கூறியுள்ளார்.
“தற்போது இளம் தலைமுறை ரசிகர்கள் விஜய்க்கு தான் ரசிகர்களாகஇருக்கின்றனர். விஜய்யுடன் இணையும் வாய்ப்பு இதற்குமுன்பு பலமுறை மிஸ் ஆகியுள்ளது. தற்போது அவர் பெரிய லெவெலுக்கு வளர்ந்திருக்கிறார்.”
“சமீபத்தில் நான் விஜய்க்கு ஒரு கதை கூறினேன். அதில் சில காட்சிகளில் பாகப்பிரிவினை சிவாஜி போல கையை வைத்துக்கொண்டு நடிக்கவேண்டும் என கூறினேன். ஆனால் அவர் அப்படி நடிக்க முடியாது என கூறி மறுத்துவிட்டார்” என லிங்குசாமி தெரிவித்துள்ளார்.
