தமிழ் சினிமாவில் முன்னணி நடிகர்களுள் ஒருவரான மாதவன். அண்மைக்காலமாக தமிழில் நடிப்பது குறைவு. இந்நிலையில் மாதவன் சென்னையில் கடை திறப்பு விழா ஒன்றில் கலந்து கொண்டார். அப்போது பத்திரிகை நிருபர்களுடன் பேசுகையில், ‘தமிழ்ப் படங்களில் நடிப்பதைக் குறைத்துவிட்டீர்களா’ என்று கேள்வி எழுப்பினர். இதற்கு பதிலளித்த அவர்,
“தமிழ்ப் படங்களில் நடிப்பதை குறைத்துவிட்டதாக நான் நினைக்கவில்லை. மக்களுக்கு எந்த மாதிரியான கதைகள் பிடிக்கும் என்பதை தேர்வு செய்து நடிக்கின்றேன். ஏனென்றால் அது ஒரு பெரிய பொறுப்பு. குடும்பத்தோடு தியேட்டருக்கு வந்து படம் பார்க்கும்போது மக்களை கோபப்படுத்தாமல் வீட்டுக்கு அனுப்ப வேண்டும்.
இறுதிச்சுற்று, விக்ரம் வேதா மாதிரியான கதைகள் எழுதுபவர்கள் குறைவாகவே இருக்கின்றனர். மேலும், நான் ஒருசில படங்களில் பிசியாக இருக்கின்றேன் என்று பதிலளித்தார்.
