நடிகர் ஸ்ரீகாந்த் மற்றும் விஷ்ணு விஷாலை வைத்து சுதா கோங்கரா இயக்கிய முதல் படம் துரோகி. இந்த படம் நினைத்த அளவிற்கு வெற்றிபெறவில்லை. நீண்ட நாட்களுக்குப் பின் நடிகர் மாதவன் மற்றும் குத்துச்சண்டை வீரரான ரித்திகா சிங்கை வைத்து ‘இறுதிச்சுற்று’ என்ற படத்தை இயக்கினார். வசூல் ரீதியாகவும் வெற்றிபெற்ற இந்த படத்திற்கு தேசிய விருதும் கிடைத்தது.
தற்போது அவர் நடிகர் சூர்யா மற்றும் மலையாள நடிகை அபர்ணா பலமுரளியை வைத்து “சூரரைப் போற்று” என்ற படத்தை இயக்கி வருகிறார். ஏர் டெக்கான் விமான சேவையின் தலைவரான கோபிநாத் என்பரரின் வாழ்க்கை வரலாற்றை மையமாக வைத்து உருவாகியுள்ள இந்த படத்தின் டீஸர் தமிழ் சினிமா ரசிகர்களை வெகுவாக கவர்ந்தது.
இந்த படத்திற்குப்பின் சுதா கோங்கரா நெட்பிலிக்ஸ் தயாரிக்கும் தொகுப்புத் திரைப்படத்தின் ஒரு பகுதியை இயக்கவுள்ளார். தென்னிந்தியாவில் நடக்கும் கவரவக் கொலைகளை மையமாக உருவாகவுள்ள இந்த படத்தில் பிரபல மலையாள நடிகரான ஜெயராமின் மகன் காளிதாஸ் சுதா கோங்கரா இயக்கும் பகுதியில் நடிக்கவுள்ளார். இந்த படத்தை கவுதம் வாசுதேவ் மேனன், வெற்றிமாறன், விக்னேஷ் சிவன் ஆகியோரும் இயக்கி வருகின்றனர்.
