நடிகர் அஜித் தமிழ் சினிமாவில் எதற்கும் பயப்படாமல் நேர்மையாக இருப்பவர். சம்பளம் வாங்குவதில் தல அஜித்தை போல் தான் இருக்க வேண்டும் என்று பல பிரபலங்கள் புகழ்ந்திருப்பதை நாம் கேட்டிருப்போம்.
இந்த நிலையில், விஸ்வாசம் படப்பிடிப்பின் போது அஜித்தை பார்க்க பெங்களூரில் இருந்து ஹைதராபாத்திற்கு சென்று அவரை சந்தித்த அனுபவம் குறித்து அவரது ரசிகர் கூறியுள்ளார்.
அதில் அவர் தெரிவித்திருந்ததாவது, நடிகர் அஜித் குமார் தங்கியிருந்த ஹோட்டலை கண்டறிந்து கொண்டு அங்கேயே ரூம் புக் செய்து தங்கினேன். அப்போது எனக்கு அவரை பார்க்கும் வாய்ப்பு கிடைத்தது, அவர் என்னை சந்தித்ததும் என்னை அழைத்து நான் எப்படி இருக்கிறேன், என் குடும்பம் என எல்லாவற்றையும் பற்றி நலம் விசாரித்தார்.
பின் அவருக்கு பிடித்த பிராண்ட் வாட்ச் ஒன்றை அவருக்கு பரிசளித்தேன். அதனை வாங்கினால் தவறான உதாரணமாக இருக்கும் என்று அந்த வாட்சை என் கையிலேயே கட்டிவிட்டார். அவரின் அந்த குணம் எல்லாம் பார்த்து நான் வியந்துவிட்டேன் என்று தெரிவித்திருக்கிறார்.
