மாஸ்டர் படத்தின் ஒரு குட்டி கதை பாடல், விஜய் குரலில், அருண் ராஜா காமராஜ் வரிகளில் வெளியாகி இணையத்தில் வைரலாகியுள்ளது. அதே வேளையில் இது காப்பி அடித்த பாடல் என ஒருபுறம் நெட்டிசன்கள் குற்றம் சாட்டியும், கலாய்த்து மீம் கிரியேட் செய்தும் வருகின்றனர். எனினும் அனிருத் இது குறித்து எந்த அறிவிப்பும் வெளியிடவில்லை. அனிருத்தை இப்படி நெட்டிசன்கள் குற்றம் சாட்டுவது இது முதல் முறையல்ல. வாருங்கள் அனிருத் காப்பி அடித்ததாக இணைய வாசிகளால் மேற்கோள் காட்டப்படும் பாடல்களை காண்போம்.
2 சும்மா கிழி
இதோ போல் ரஜினிகாந்த் நடிப்பில் வெளியான தர்பார் படத்தின் சும்மா கிழி பாடலை, அய்யப்பன் பாடலான கட்டோட கட்டும் கட்டி எனும் பாடலிலிருந்து எடுத்ததாகவும் கூறியுள்ளனர்.
3 ஆலுமா டோலுமா
அஜித் நடிப்பில் வெளியான ஆலுமா டோலுமா பாடல் மரண ஹிட் ஆனது என்று அஜித் ரசிகர்கள் கொண்டாடி வரும் வேளையில், இந்த பாடல் சிம்பு வெறித்தனமாக நடனமாடியிருக்கும் கண்ணம்மா கண்ணம்மா மீனு வாங்க போலாமா பாடலிலிருந்து எடுக்கப்பட்டதாக கூறுகின்றனர்.
4 எனக்கு கல்யாண வயசுதான் வந்துடிச்சிடி
முன்னதாக நயன்தாரா நடிப்பில் கோலமாவு கோகிலா படத்தில் வரும் எனக்கு கல்யாண வயசுதான் வந்துடிச்சிடி பாடல் ஏதோ ஒரு ஆங்கில பாடல் ஆல்பத்திலிருந்து எடுத்ததாக குற்றம் சாட்டியவர்களும் உண்டு. அந்த பாடலை உருவாக்கியவர் பெயர் சன்னன். டோன்ட் லை என்று ஆரம்பிக்கும் அந்த பாடலின் இசை அப்படியே கல்யாண வயசு இசைப் போலவே இருக்கிறது.
5 ஊதுங்கடா சங்கு
ஊதுங்கடா சங்கு பாடலின் இசை ட்ரேய்ஸ் என்பவரின் பிரபல பாடலிலிருந்து எடுக்கப்பட்டதாக கூறிவருகின்றனர். அந்த பாடலை கேட்கும்போது நமக்கும் அப்படியேத் தோன்றுகிறது.
கல்யாண வயசு பாடல் வெளியானபோதும் இப்படி சர்ச்சை உருவானது. அதன்பின்னர் அனிருத் கொடுத்த விளக்கத்தில், இது போன்ற சின்ன ட்ராக் இசை நாங்களே உருவாக்குவதல்ல, அது பிரபல நிறுவனங்கள் வெளியிடும் ட்ராக் மியூசிக்கின் ஒரு பகுதி. அதை பணம் கொடுத்து வாங்கியே பயன்படுத்துகிறோம் என விளக்கம் அளித்ததாக தகவல் வெளியானது.
