அழகு பராமரிப்பு என்பது பெண்களுக்கு மட்டும் உரியது அல்ல. ஆண்களும் தங்கள் அழகை பாதுகாப்பது அவசியம். அது அழகு என்பதைத் தாண்டி சுயபராமரிப்பு என்று எடுத்துக்கொள்ளலாம். எவ்வாறு பராமரிக்க வேண்டும் என்று பார்க்கலாம்.
பார்லர்/பார்பர் ஷாப் செல்லுங்கள்:
மாதம் ஒரு முறை பார்லர் செல்லுங்கள். முகத்தில் உள்ள தேவையற்ற அழுக்குகள், இறந்த செல்களை நீக்க ஃபேஷியல் செய்துகொள்ளுங்கள். பார்பர் ஷாப் சென்று உங்கள் முடியை அடிக்கடி ட்ரிம் செய்யுங்கள்.
ஸ்க்ரப் :
வீட்டிலேயே சில ஸ்க்ரப் டிப்ஸ் பின்பற்றலாம். குறைந்தது சோப்பு போட்டு நன்கு தேய்த்து கழுவினால் கூட போதுமானது.
நக பராமரிப்பு :
அடிக்கடி உங்கள் நகங்களை வெட்டுங்கள். அழுக்குகள் சேராமல் கவனித்துக்கொள்ளுங்கள். உங்கள் கை , கால்களையும் சுத்தமாக வைத்துக்கொள்ளுங்கள். முடிந்தால் பெடிகியூர், மனிகியூர் செல்லலாம்.
தலைமுடி பராமரிப்பு :
தலைமுடி வெட்டுவதோடு முடித்துக்கொள்ளாமல், அழுக்குகள் இல்லாமல், பொடுகு இல்லாமல் பராமரிப்பதும் அவசியம். குறிப்பாக பெண்கள் ஆண்களிடம் ரசிக்கும் விஷயங்களில் முடியும் ஒன்று. எனவே தலைக்கு அடிக்கடி குளியுங்கள். நறுமணம் மிக்க ஷாம்பூ மற்றும் கண்டிஷ்னர் கட்டாயம் பயன்படுத்துங்கள்.
உடை:
உடை விஷயத்திலும் அதிக கவனம் அவசியம். எல்லாவற்றையும் சரியாக செய்துவிட்டு ஆடை விஷயத்தில் கோட்டைவிட்டுவிடாதீர்கள். குறிப்பாக ஃபேஷன் அப்டேட்டுகளை விரல் நுனியில் வைத்துக்கொள்ளுங்கள். அந்த டிரெண்டுற்கு ஏற்ப உங்களையும் அப்டேட் செய்துகொள்ளுங்கள். வாட்ச், ஷூ என அதற்கு ஏற்ற அணிகலன்களையும் பயன்படுத்துங்கள்.
