லிப்ரா புரொடக்ஷன்ஸ் ரவீந்தர் சந்திரசேகர், பர்ஸ்ட் மேன் பிலிம் ஒர்க்ஸ் சிவசுப்பிரமணியன், சரவண பிரியன் ஆகியோரின் தயாரிப்பில், இயக்குனர் ஸ்ரீஜர் இயக்கத்தில் உருவாக உள்ள படத்திற்கு இன்று பூஜை போடப்பட்டது.
இந்த படத்தில் மூத்த நடிகர் கே.பாக்யராஜ், அவருடைய மகன் சாந்தனு, கதாநாயகியாக அதுல்யா, மற்றும் முன்னணி நடிகர்களான மனோபாலா, ஆனந்த்ராஜ், மயில்சாமி, மொட்ட ராஜேந்திரன், யோகி பாபு, ரேஷ்மா, மதுமிதா உள்ளிட்ட மிகப்பெரிய கூட்டணி நடிக்க உள்ளது.
நகைச்சுவை கலந்த காதல் திரைப்படமாக உருவாகவிருக்கும் இப்படம் குடும்பம் குடும்பமாக வந்து பார்க்க கூடிய அளவில் எடுக்க உள்ளார்களாம். இப்படத்தின் துவக்க விழா இன்று சென்னையில் நடைபெற்றது. இந்த படத்திற்கு ரமேஷ் சக்கரவர்த்தி ஒளிப்பதிவு பொறுப்பை ஏற்க, தரண் இசையமைக்கிறார் என தகவல் வெளியாகியுள்ளது.
