மதுபோதையில் இருந்த மருமகனால் தாக்கப்பட்ட வயோதிப பெண்ணொருவர் உயிரிழந்துள்ளதுடன், உயிரிழந்த பெண்ணின் மகளும், இன்னுமொரு நபரும் காயமடைந்துள்ளனர்.
இந்த சம்பவம் தம்புள்ளை – பெல்வெர பகுதியில் நேற்றைய தினம் இந்த சம்பவம் இடம்பெற்றுள்ளது.
சம்பவத்தின் போது மதுபோதையில் இருந்த நபர் அவரது மனைவி மற்றும் மனைவியின் தாயாருடன் முரண்பட்டுள்ளார்.
இதன் போது மோதல்கள் ஏற்படுள்ள நிலையில் மது போதையில் இருந்த நபர் அவரது மனைவி மற்றும் மாமியை கூரிய ஆயுதங்களால் தாக்கியுள்ளதுடன் அவர்களை சமாதானப் படுத்தும் நோக்கில் வந்த அயலவர் ஒருவரையும் தாக்கியுள்ளார் .
படுகாயமடைந்த மூவரும் தம்புள்ளை வைத்தியசாலையில் அனுமதிக்கப்பட்டுள்ள நிலையில் 61 வயதுடைய சந்தேக நபரின் மாமி உயிரிழந்துள்ளார்.
இதனையடுத்து சம்பவம் தொடர்பில் சந்தேக நபரை கைது செய்துள்ள பொலிஸார் மேலதிக விசாரணைகளை முன்னெடுத்து வருகின்றனர்.
