இயக்குனர் அட்லீயின் ஏ பார் ஆப்பிள் என்ற தயாரிப்பு நிறுவனத்தின் மூலம் அந்தகாரம் எனும் திரைப்படத்தை தயாரித்துள்ளனர். இதற்கு முன் இந்த நிறுவனத்தின் சார்பாக சங்கிலி புங்கிலி கதவ தூர என்ற திரைப்படத்தை தயாரித்து இருந்தனர்.
மேலும் இந்த அந்தகாரம் திரைப்படத்தில் கைதி, மாஸ்டர் உள்ளிட்ட திரைப்படங்களில் முக்கிய கதாபாத்திரத்தில் நடித்த அர்ஜுன் தாஸ் நடித்துள்ளார்.
அவருடன் வினோத் கிஷன், பூஜா ராமச்சந்திரன், மீஷா கோஷல் உள்ளிட்டோரும் நடித்துள்ளனர். சமீபத்தில் இப்படத்தின் ட்ரைலர் வெளியாகி மில்லியன் கணக்கில் பார்வையாளர்களை பெற்றுள்ளது.
இந்நிலையில் மாஸ்டர் படத்தின் இயக்குனர் லோகேஷ் கனகராஜ் தனது ட்விட்டர் பக்கத்தில், இப்படம் குறித்து பதிவிட்டுள்ளார் “அந்தகாரம் திரைப்படத்தை பார்க்கும் வாய்ப்பு கிடைத்தது, சமீபத்தில் நான் பார்த்த மிக சிறந்த திரைப்படம்”. மேலும் படக்குழுவினர்களை புகழ்ந்தும் தனது வாழ்த்துகளையும் கூறியுள்ளார்.
