உலகை உலுக்கி வரும் கொரோனா வைரஸ், சீனாவின் வூகான் மாகாணத்தில் பரவத்தொடங்கியது. தற்போது 200-க்கு மேற்பட்ட நாடுகளில் பரவி உள்ளது. உலகம் முழுவதும் இதுவரை கொரோனா வைரசால் 2,725,391 பேர் பாதிக்கப்பட்டுள்ளனர்.
இந்த வைரசால் 191,055 பேர் உயிரிழந்துள்ளனர். கொரோனா வைரஸ் பாதிக்கப்பட்டு இதுவரை 745,821 பேர் குணமடைந்துள்ளனர். சீனாவில் கண்டறியப்பட்ட கொரோனா வைரஸ் தற்போது உலக நாடுகளில் தன் கோரத்தாண்டவத்தை ஆடி வருகிறது.
இந்தியாவில் 23,077 பேருக்கு கொரோனா வைரஸ் உறுதி செய்யப்பட்டுள்ளது. கொரோனா உறுதியானோர் எண்ணிக்கை 21,700லிருந்து 23,077 ஆக உயர்ந்துள்ளது. இந்தியாவில் கொரோனா உயிரிழப்பு 681லிருந்து 718 ஆக உயர்ந்துள்ளது. கொரோனாவிலிருந்து குணமடைந்தோரின் எண்ணிக்கை 4,325லிருந்து 4,749 ஆக அதிகரித்துள்ளது என மத்திய சுகாதாரத்துறை அமைச்சகம் தெரிவித்துள்ளது.
