யாழ்ப்பாணம் மானிப்பாயில் ஊரடங்கு சட்டம் அமுலில் இருந்த நிலையில் மதுபான விற்பனையில் ஈடுபட்டிருந்த 65 வயது பெண் உள்ளிட்ட இருவர் கைது செய்யப்பட்டுள்ளனர்.
இதன்போது சந்தேக நபர்களிடமிருந்து 180 மில்லி லீற்றர் அளவுடைய 95 மதுபானப் போத்தல்களும் கைப்பற்றப்பட்டுள்ளன.
யாழ்.மாவட்ட குற்றத்தடுப்புப் பொலிஸாருக்குக் கிடைத்த தகவலின் அடிப்படையில் அங்கு சென்ற உத்தியோகத்தர் இருவர் பணம் கொடுத்து மதுபானத்தை வாங்கிய பின்னர் இந்தக் கைது நடவடிக்கை முன்னெடுத்தனர்.
அரச விடுமுறை நாளில் சட்டத்துக்குப் புறம்பாக மதுபானத்தை விற்பனை செய்த குற்றச்சாட்டில் 65 வயதுடைய பெண் ஒருவரும் 180 மில்லி லீற்றர் அளவுடைய 95 மதுபானப் போத்தல்களை உடமையில் வைத்திருந்த குற்றச்சாட்டில் 35 வயதுடைய ஆண் ஒருவரும் கைது செய்யப்பட்டுள்ளனர்.
சந்தேக நபர்கள் இருவரும் மானிப்பாய் பொலிஸ் நிலையத்தில் ஒப்படைக்கப்பட்டுள்ள நிலையில் விசாரணைகளின் பின்னர் சந்தேகநபர்கள் மல்லாகம் நீதிவான் நீதிமன்றில் முற்படுத்தப்பட உள்ளதாக பொலிஸார் தெரிவித்தனர்.
