இந்த உலகம் முழுவதும் அதிதீவிரமாக பரவி வந்த கொரோனா வைரஸின் தாக்கமானது மிகப்பெரிய தாக்கத்தை ஏற்படுத்தியுள்ளது. உலக நாடுகளே கொரோனாவிற்க்கான தடுப்பூசி கண்டறியும் பணியை மேற்கொண்டு வருகிறது. தினமும் மக்கள் பரிதாபமாக உயிரிழந்து வரும் நிலையில், சமுக இடைவெளி மற்றும் சானிடைசரால் கைகளை சுத்தம் செய்தல், முகக்கவசம் அணிதல், தனிமைப்படுத்தல் போன்றவற்றை முக்கியமானதாக அறிவித்துள்ளனர்.
சீனாவில் இருந்து பரவ துவங்கிய கொரோனா வைரஸ், உலகம் முழுவதும் பெரும் சோகத்தை ஏற்படுத்தியுள்ளது. உலகளவில் அமெரிக்கா கடுமையான அளவு பாதிக்கப்பட்டுள்ளது. உலகளவில் கொரோனா பாதிப்பு 7,198,636 ஆக உயர்ந்துள்ளது. பலியான நபர்களின் எண்ணிக்கை 408,734 ஆக உயர்ந்துள்ளது. 3,536,154 பேர் பூரண நலன் பென்றுள்ளனர்.
அமெரிக்காவில் 2,026,493 பேர் பாதிக்கப்பட்டுள்ள நிலையில், நேற்று ஒரேநாளில் 586 பேர் சிகிச்சை பலனின்றி இறந்தனர். இதனால் மொத்த பலி எண்ணிக்கை 113,055 ஆக உயர்ந்துள்ளது. பிரேசிலில் 710,887 பேர் பாதிக்கப்பட்டுள்ள நிலையில், நேற்று ஒரேநாளில் 813 பேர் சிகிச்சை பலனின்றி இறந்தனர். இதனால் மொத்த பலி எண்ணிக்கை 37,312 ஆக உயர்ந்துள்ளது.
ரஷியாவில் 476,658 பேர் பாதிக்கப்பட்டுள்ள நிலையில், நேற்று 112 பேர் சிகிச்சை பலனின்றி உயிரிழந்துள்ளார். இதனால் மொத்த பலி எண்ணிக்கை 5,971 ஆக உயர்ந்துள்ளது. ஐரோப்பாவில் 287,399 பேர் பாதிக்கப்பட்டுள்ள நிலையில், நேற்று 55 பேர் சிகிச்சை பலனின்றி உயிரிழந்துள்ளார். இதனால் மொத்த பலி எண்ணிக்கை 40,597 ஆக உயர்ந்துள்ளது
