ஒரு படத்தின் வெற்றிக்கு பாடல்கள் முக்கியமானதாக அமையும். அதே வேளையில் அந்த பாடல் வெற்றி பெற அதில் ஹீரோ, ஹீரோயினை நடனமாடவைக்கும் நடன இயக்குனர்களும் முக்கியத்துவம் பெறுகிறார்.
ஏக், தோ, தீன் பாடல் ஹிந்தியில் மிகுந்த பிரபலமான ஒன்று. இப்பாடலுக்கு நடனம் அமைத்தவர் பிரபல நடன கலைஞர் சரோஜ் கான்.
பாலிவுட்டில் சிறுவயதிலேயே நடிகையாக அறிமுகமாகி பின்னர் நடனகலைஞராக மாறினார்.
2000 பாடல்களுக்கு மேல் பணியாற்றியுள்ள இவர் நடிகர் ஸ்ரீதேவியின் நடனங்களை அமைத்து கொடுத்தவர் என்பதை தெரிந்துகொள்ள வேண்டும்.
40 வருடங்களாக சினிமாவில் பணியாற்றி வந்த சரோஜ் கான் கடந்த மாதம் முதல் மூச்சுத்திணறலால் அவதிப்பட்டு வந்தார்.
இதனால் மும்பையில் உள்ள மருத்துவமனையில் அனுமதிக்கப்பட்டு சிகிச்சை பெற்று வந்த அவர் இன்று அதிகாலை 1.30 மணியளவில் மாரடைப்பால் காலமானதாக செய்திகள் வெளியாகியுள்ளது.
அவரின் உடல் மலாத் மயானத்தில் நல்லடக்கம் செய்யப்பட்டது. இதில் மிக முக்கியமான உறவினர்கள் மட்டுமே கலந்து கொண்டனர்.
