சென்னை கட்டுப்பாட்டு அறைக்கு போன் செய்த மர்ம நபர் ஒருவர் நடிகர் அஜித் வீட்டில் வெடி குண்டு வைத்துள்ளதாக கூறி விட்டு போன் இணைப்பு துண்டித்துள்ளார்.
இதையடுத்து, சென்னை ஈஞ்சம்பாக்கத்தில் உள்ள நடிகர் அஜித் வீட்டில் மோப்பநாய் உதவியுடன் வெடிகுண்டு தடுப்பு பிரிவு போலீசார் சோதனை மேற்கொண்டனர். சோதனைக்கு பின்னர் அது புரளி என்பது உறுதியானது.
பின்னர் தொலைபேசி அழைப்பு வந்த எண்ணைக் கொண்டு போலீசார் விசாரித்தபோது விழுப்புரத்தை சேர்ந்த வாலிபர் சிக்கினார். அந்த நபர் தான் சில நாட்களுக்கு முன்னர் நடிகர் விஜய் வீட்டுக்கும் வெடிகுண்டு மிரட்டல் விடுத்தவர் என்பது பின்னர் தெரிய வந்தது.
அவரிடம் போலீசார் தொடர்ந்து விசாரித்து வருகின்றனர். அதற்கும் முன்னதாக நடிகர் ரஜினிகாந்த் வீட்டுக்கும் வெடிகுண்டு மிரட்டல் விடுக்கப்பட்டது குறிப்பிடத்தக்கது.
