பிக் பாஸ் சீசன் 1 தமிழில் துவங்கிய போதே தெலுங்கிலும் பிக்பாஸ் நிகழ்ச்சி அறிமுகமானது. 2017 ஆம் ஆண்டு ஒளிபரப்பான முதல் சீசனை தெலுங்கில் ஜூனியர் என்டிஆர் தொகுத்து வழங்கினார். அவரே தெலுங்கு இரண்டாவது பகுதி பிக்பாஸிலும் தொகுத்து வழங்குவார் என்று எதிர்பார்க்கப்பட்டது. ஆனால், இரண்டாவது சீசனில் நானி தொகுத்து வழங்க வந்தார்.
கடந்த வருடம் ஒளிபரப்பான மூன்றாவது சீசனை நடிகர் நாகர்ஜூனா தொகுத்து வழங்கினார். அதற்கு அமோக வரவேற்பு கிடைத்தது. இந்த ஆண்டு கொரானா வைரஸ் தொற்று காரணமாக பிக் பாஸ் சீசன் 4 துவங்க தாமதமாகும் என்று கூறப்படுகிறது. அதேசமயம் நான்காவது சீசன் கான ஏற்பாடுகளை மும்முரமாக ஆரம்பித்து விட்டதாக தகவல்கள் தெரிவிக்கின்றன.
யார், யாரை போட்டியாளர்களாக பங்கேற்க வைப்பது என்பதில் நிகழ்ச்சி குழுவினர் மிகவும் தீவிரமாகப் பேசி வருகின்றனராம். தமிழ்நாட்டை விட தெலுங்கானாவில் தாக்கம் குறைவாக தான் உள்ளது. எனவே, அடுத்த மாதத்தில் படப்பிடிப்பு துவங்கலாம், என்று எதிர்பார்க்கப்படுகிறது. இதற்கான வேலைகளை நிகழ்ச்சி குழுவினர் துவங்கிவிட்டனராம். நாகர்ஜுனா குடும்பத்திற்கு சொந்தமான அன்னபூர்ணா ஸ்டுடியோவில் இந்த சீசனுக்கான வீட்டை கட்டும் பணிகள் நிறைவடைந்து விட்டது என டோலிவுட் வட்டாரங்கள் கூறுகின்றன.
