ஸ்ரீலங்காவில் 9ஆவது நாடாளுமன்றத் தேர்தல் நடைபெற்று முடிந்து தற்போது அனைத்து முடிவுகளும் வெளிவந்துள்ளன.
இதில் ஸ்ரீலங்கா பொதுஜன பெரமுன 6,853,693 மொத்த வாக்குகளைப் பெற்று அமோக வெற்றி பெற்றுள்ளது.
தேர்தலில் அவர்கள் வென்ற 128 இடங்கள் மற்றும் தேசியப் பட்டியலின் மூலம் 17 இடங்கள் ஒதுக்கப்பட்டுள்ளன. அந்த வகையில் மொத்தம் 145 நாடாளுமன்ற இடங்களுடன் ஸ்ரீலங்கா பொதுஜன பெரமுன முதலிடத்தில் உள்ளது.
தேர்தல் முடிவுகள் இரவு வெளிவரும் போதே வெற்றியும் தீர்மானிக்கப்பட்டது.
இதை வெளிப்படுத்தும் விதமாக கொழும்பில் அமைந்துள்ள ஆசியாவின் அதிசயம் என வர்ணிக்கப்படும் தாமரை கோபுரம் பிரகாசமாக ஒளிர்ந்தது.
கொரோனா நேரத்தில் அனைக்கப்பட்ட விளக்குகள் தேர்தல் வெற்றி மகிழ்ச்சியை வெளிப்படுத்தும் வகையில் ஒளிரவிடப்பட்டுள்ளமை குறிப்பிடத்தக்கது.
