வல்லாரை கிடைப்பதற்கரிய பொருள் அல்ல. எளிதாக கிடைக்க கூடியதுதுதான்.
இப்போது கீரை விற்பவர்களிடமே வல்லாரை எளிதாக கிடைக்கிறது. வல்லமை தீரும் கீரை என்றும் இதை சொல்லலாம். நினைவுத்திறனுக்கு மட்டும்தான் வல்லாரையா என்று கேட்கலாம்.
இல்லை அதையும் தாண்டி பலவிதமான மருத்துவகுணங்களை இவை கொண்டிருக்கிறது. தொடர்ந்து படித்தால் உங்களுக்கே புரியும்.
மூளைக்கு வேண்டிய ஊட்டச்சத்துகளை கொண்டிருக்கும் உணவு பொருளில் வல்லாரைக்கும் தனி இடம் உண்டு.
மூளையின் நரம்புகளை தூண்டி நினைவாற்றலை எப்போதும் உயிர்ப்புடன் வைத்திருக்க உதவும்.
வல்லாரையில் இருக்கும் செரடோனின் என்னும் சத்து முக்கியமானது.
வளரும் குழந்தைகளுக்கு வாரம் இருமுறையாவது வல்லாரை கீரையை உணவில் சேர்த்துவந்தால் நினைவாற்றல் மிகுந்த மூளைக்காரராக வளர்வார்கள் என்பதில் சந்தேகமில்லை.
கறை படிந்த பற்களுக்கு எப்போதும் இயற்கையான மூலிகைகளே பக்கவிளைவில்லாத பாதுகாப்பை தரும்.
சிலருக்கு புகைப்பழக்கம், பாக்கு, வெற்றிலை போன்றவற்றால் பற்களில் கறை படிய தொடங்கும்.
வளரும் பிள்ளைகள் சீராக பற்களை துலக்க மாட்டார்கள் என்பதால் அவர்களுக்கும் பற்களில் கறை படிந்து இருக்கும்.
அதிலும் மஞ்சள் நிறத்தில் கறைபடிந்த பற்களை சரியாக்காவிட்டால் வளர்ந்த பிறகு தனியாக தெரியும். பற்களின் கறையை போக்க வல்லாரை பயன்படுத்தலாம்.
வல்லாரை கீரையை நிழலில் உலர்த்தி பொடியாக்கி தினமும் காலையும், இரவும் பற்களில் தேய்த்து வந்தால் பற்களில் இருக்கும் கறைகள் காணாமல் போகும். பல் ஈறுகளும் வலுப்படும்.
கண் பார்வைத்திறன் பிரச்சனை இல்லாமல் செய்யும் திறன் கொண்டது வல்லாரை. கண்களில் எரிச்சல், உஷ்ணத்தில்னால் உண்டாகும் சிவப்பு, கண்களில் நீர் வடிவது போன்ற பிரச்சனைகளை ஆரம்பத்தில் கண்டறிந்தால் வல்லாரையை கொண்டு குணப்படுத்திவிட முடியும்.
குழந்தைகளுக்கு வாரம் ஒருமுறை வல்லாரை கீரையை கொடுத்துவந்தால் கண்பார்வைத்திறன் மேம்படும்.
பார்வைகுறைபாடு பிரச்சனை வராமல் தவிர்க்க முடியும். குறிப்பாக மாலைக்கண் நோய் பிரச்சனை இருப்பவர்கள் வல்லாரை கீரை சாறை பசும்பாலில் கலந்து குடித்துவந்தால் மாலைக்கண் நோய் குணமாகும்.
தொடர்ந்து ஒரு மண்டலம் வரை சாப்பிட்டு வந்தால் பலன் தெரியும்.
வயிற்றுப்புண் வாய்ப்புண்ணுக்கும் வல்லாரை பயன்படுத்தலாம். மணத்தக்காளி கீரை போன்று வல்லாரை கீரையும் புண்ணை ஆற்றூம் அருமருந்தாக செயல்படுகிறது.
வல்லாரை இலை நான்கை எடுத்துவெறும் வயிற்றில் காலையும் மாலையும் மென்று வாய்ப்புண்ணில் படும்படி மென்று சாப்பிட்டு வந்தால் புண் ஆறும்.
வயிற்றில் புண் இருந்தாலும் குடலில் புண் இருந்தாலும் பச்சை இலையை மென்று சாப்பிட்டு வந்தால் குடல் புண் ஆறக்கூடும்.
வல்லாரையை மென்று சாப்பிட முடியாதவர்கள் வல்லாரையை துவையலாக்கி சாப்பிடலாம். கண்டிப்பாக பலன் கிடைக்கும்.
இன்று பலருக்கும் இருக்கும் பிரச்சனையில் ரத்த சோகையும் அடங்கும். குறீப்பாக இளவயதினரிடம் ஹோமோகுளொபின் பற்றாக்குறை அதிகரித்துவருகிறது. வல்லாரை ஹீமோகுளோபின் அளவை கணிசமாக அதிகரித்து ரத்த சோகை வராமல் தடுக்கிறது.
ரத்தத்தில் ஹீமோகுளோபின் அதிகரிப்பதன் மூலம் ரத்த சோகை வராமல் தடுக்கப்படுகிறது. ரத்தத்தை சுத்திகரிக்கவும் செய்கிறது.
இவை தவிர உடலில் கட்டிகளால் உண்டாகும் வீக்கம், கட்டிகளில் மீது வல்லாரை இலையை அரைத்து பற்றுபோடுவதன் மூலம் வீக்கம் குறையக்கூடும். முன்னோர்கள் காலத்தில் வல்லாரை இலையை அரைத்து உடல் உஷ்ணம் தணிக்க தேய்ப்பது வழக்கம்.
கூடுதலாக இவை உடல் எரிச்சல், சருமத்தில் உண்டாகும் பிரச்சனைகளையும் போக்கும். இனி உங்கள் வீட்டில் இருக்க வேண்டிய மூலிகை பொடியில் வல்லாரையும் இடம்பெறட்டும். துவையலில் வல்லாரை துவையலும் இருக்கட்டும்.
வல்லாரையை அரைத்து தோசை மாவில் கலந்தும் தோசையாக வார்க்கலாம். குறீப்பிட்டு இவர்கள் தான் சாப்பிட வேண்டும் என்று சொல்ல முடியாத அளவுக்கு எல்லா வயதினருக்கும் ஏற்றது.
உணவில் அடிக்கடி வல்லாரை சாப்பிடும் போது சிறு குழந்தைகளுக்கு நினைவுத்திறன் அதிகரிக்கும். வயதான காலத்துக்கு பிறகு மறதி நோய் வரும் வாய்ப்பு குறையும். இனி வல்லாரையை தவிர்க்காமல் சாப்பிட பழகுங்கள்.
