குளியலறை – தினமும் நாம் பயன்படுத்தும் இடம். குளித்தால் நிச்சயமாய் புத்துணர்ச்சி கிடைக்கும். ஆனால், குளியலறையில் நாம் எவற்றை கவனமாக செய்யவேண்டும்? எவற்றை அங்கு செய்யக்கூடாது என்பதை சரியானவிதத்தில் புரிந்திருக்கிறோம் என்று உறுதியாக கூற இயலாது.
டிஜிட்டல் விஷன் / கெட்டி இமேஜஸ் தினசரி மன அழுத்தத்தை கழுவ உதவும் ஒரு சுத்தமான, ஒழுங்கமைக்கப்பட்ட குளியலறையில் ஒரு ஓய்வு மழை போல் எதுவும் இல்லை.
பொதுவாகவே, நம் வீட்டை சுத்தம் செய்வதைவிட, நம் வீட்டில் இருக்கும் பாத்ரூமை சுத்தம் செய்வதுதான் பெரிய வேலையாக இருக்கும். சிலருக்கு கெமிக்கல் கலந்த பொருட்களை வைத்து பாத்ரூமை சுத்தம் செய்யவே முடியாது. மூக்குக்குள் புகுந்து கொள்ளும். தொண்டை கட்டிக்கொள்ளும். பாத்ரூமை சுத்தம் செய்வதற்குள், பல பிரச்சனைகளில் அவதிப்படுவார்கள்.
டூத் பிரஷ்
டூத் பிரஷ்ஷை மாதம் ஒரு முறை மாற்ற வேண்டும். கழிவறையும் குளியலறையும் டூத் பிரஷ்ஷை வைப்பதை தவிர்க்க வேண்டும். கழிவறை பக்கத்திலேயே இருப்பதால் பிரஷ்ஷில் கிருமிகள் தொற்றும் பரவும். கடுமையான இருமல் அல்லது தொற்றால் பாதிக்கப்பட்டு மீண்ட பிறகு உடனடியாக டூத் பிரஷ்ஷை மாற்றி விட வேண்டும்.
டாய்லெட் சீட்
வெஸ்டர்ன் டாய்லெட்டில் அதன் இருக்கைப் பகுதியை மூடி வைக்கும் வசதி உண்டு. எனவே, வெஸ்டர்ன் டாய்லெட் பயன்படுத்துபவர்கள் அதை உபயோகித்து முடித்ததும் நன்றாக ஃப்ளஷ் செய்துவிட்டு உட்காரும் பகுதியைக் கழுவிவிட்டு டாய்லெட் சீட்டை மூடி வைக்க வேண்டும். திறந்த நிலையில் வைத்தால் டாய்லெட்டில் உள்ள கிருமிகள் அங்கே உள்ள மற்ற பொருட்களின் மீதும் பரவ வாய்ப்பு அதிகமாக உள்ளது.
செல்போன்
குளியலறையில் போன் உபயோகிப்பதைத் தவிர்க்க வேண்டும். நாம் உபயோகிக்கும் போனில்தான் அதிகபட்சமாகக் கிருமித் தொற்றுகள் உருவாகின்றன. போனைப் பயன்படுத்தி முடித்த பிறகு வைக்கும் இடத்திலும் கிருமித் தொற்றுக்கான அபாயங்கள் காத்திருக்கும்.
சோப்பு, ஷாம்பூ
குளியலறையை அடைசல் இன்றி வைத்திருக்க வேண்டும்.
சோப்பு, ஷாம்பூ, கிருமிநாசினிகள் போன்றவற்றை நன்றாக மூடிய நிலையில் வைக்க வேண்டும்.
குளிக்கும் நார்
குளிக்கும்போது மென்மையான நார் கொண்டு உடலைத் தேய்த்து குளிக்க வேண்டும். ரொம்பவும் அழுத்தித் தேய்த்தால் சருமத்தின் இயற்கையான எண்ணெய்ப் பசை முற்றிலும் நீங்கி வறண்டுவிடும்.
சீப்பு
தலைமுடியை வாருவதற்கு பிரத்தியேக வகை வகையான சீப்புகளை வைத்திருப்பர். இவற்றை ஒருபோதும் சுத்தம் செய்யவே மாட்டார்கள். நம் தலையிலுள்ள பொடுகுகள் மற்றும் அழுக்கு, உதிர்ந்த முடியோடு சேர்ந்து தலை வாரும் பிரஷ்ஷிலோ, சீப்பிலோ இருக்கக்கூடும். ஆகவே, அவற்றை வாரம் ஒருமுறையாவது நன்கு சுத்தம் செய்ய வேண்டும்.
