தளபதி விஜய் தற்போது இயக்குனர் லோகேஷ் கனகராஜ் இயக்கத்தில் மாஸ்டர் திரைப்படத்தில் நடித்து முடித்துள்ளார். இப்படமும் விரைவில் வெளியாகும் என நம்பப்படுகிறது.
இவரின் அடுத்த திரைப்படத்தை யார் இயக்கப்போகிறார் என்ற குழப்பம் தற்போது வரையில் நீடித்து வருகிறது. ஏன்னென்றால் தளபதி 65 படத்தை ஏ.ஆர்.முருகதாஸ் இயக்குவார் என எதிர்பார்க்கப்பட்ட நிலையில் அப்படத்திலிருந்து அவர் விலகியதாக கூறப்பட்டது.
அதனை தொடர்ந்து தளபதி 65 படத்தை இயக்குனர் நெல்சன் தான் இயக்கப்போகிறார் என பல தரப்பில் கூறப்பட்டு வருகிறது. இவர் நயன்தாராவை வைத்து கோலமாவு கோகிலா என்ற சூப்பர் ஹிட் திரைப்படத்தை இயக்கியிருந்தார்.
மேலும் தற்போது இவர் சிவகார்த்திகேயனை வைத்து டாக்டர் திரைப்படத்தை இயக்கிவருகிறார், அதுமட்டுமின்றி நடிகர் சிவகார்திகேயனுக்காக இன்னொரு கதையை நெல்சன் ரெடி செய்து வைத்திருந்ததாகவும்.
அந்த கதையை தான் தற்போது விஜய்யிடம் கூறி ஓகே செய்துள்ளதாக தகவல் வெளியாகியுள்ளது. மேலும் இப்படம் முழுக்க முழுக்க காமெடி படமாக இருக்கும் எனவும் எதிர்பார்க்கப்படுகிறது. இது குறித்து அதிகாரப்பூர்வமான தகவல் வரும் வரை பொறுத்திருந்து பார்ப்போம்.
