நடிகையும் பிக்பாஸ் பிரபலமுமான வனிதா கடந்த ஜூன் மாதம் முன் பீட்டர் பால் என்பவரை திருமணம் செய்துகொண்டார். இந்நிலையில் தன்னுடனான திருமணம் ரத்து செய்யப்படாத நிலையில் வனிதாவை திருமணம் செய்தது குற்றம் என கூறி வடபழனி காவல் நிலையத்திலும், காவல் ஆணையரிடமும் பீட்டர் பாலின் முதல் மனைவி புகார் அளித்திருந்தார்.
இப்புகார் குறித்த விசாரணை நடத்த உத்தரவிட வேண்டும் என கோரிக்கையும் வைத்தார்.
இம்மனுவை விசாரித்த சென்னை சைதாப்பேட்டை நீதிமன்றம் புகார்தாரரான ஹெலனுக்கும், பீட்டர் பாலுக்கும் திருமணம் நடந்திருக்கிறது என்பதற்கும், அந்த திருமணம் ரத்தாகவில்லை என்பதற்கு ஆதாரங்களும், முகாந்திரமும் இருப்பதாக கூறி, வழக்கு தொடர்பாக டிசம்பர் 23ம் தேதி ஆஜராகும்படி, வனிதா விஜயகுமாருக்கும், பீட்டர்பாலுக்கும் உத்தரவிட்டுள்ளார்.
