பிக்பாஸ் நிகழ்ச்சி மூலம் மிகவும் பிரபலமான நடிகை சனம் ஷெட்டி, ஆப்ரேஷன் வெற்றிகரமாக நடந்து விட்டதாக கூறி நன்றி சொல்லி இருக்கிறார்.
தமிழில் அங்காடி தெரு உள்ளிட்ட பல படங்களில் குணச்சித்திர வேடங்களில் நடித்தவர் சிந்து. இவர் மார்பகப் புற்றுநோயால் பாதிக்கப்பட்டு சிகிச்சைக்கு பணமின்றி போராடி வருவதாக சில மாதங்களுக்கு முன்பு வீடியோ வெளியிட்டார்.
சமீபத்தில் பிக்பாஸ் நிகழ்ச்சி மூலம் மிகவும் பிரபலமான நடிகை சனம் ஷெட்டி, சிந்துவின் புகைப்படத்தை தனது சமூக வலைத்தள பக்கத்தில் பதிவிட்டு, ஆரம்ப கட்ட சிகிச்சை முடிந்த நிலையில் தற்போது புற்றுநோய் மேலும் பரவியதால் அடுத்த கட்ட சிகிச்சைக்கு பணம் தேவைப்படுகிறது. இதனால் நண்பர்கள், ரசிகர்கள் உதவுமாறு கேட்டு கொண்டார்.
இவரது வேண்டுகோளை அவதானித்த ரசிகர்கள் பலரும் சனம் ஷெட்டியை கலாய்த்தும், திட்டியும் வந்தனர். இதனை கண்டுகொள்ளாத சனம் தற்போது நன்றி கூறி பதிவு ஒன்றினை பதிவிட்டுள்ளார்.
ஆம் சிந்துவின் ஆப்ரேஷன் வெற்றிகரமாக முடிந்து விட்டதாகவும், இதற்கு உதவிய அனைவருக்கும் நன்றி என்றும் சனம் ஷெட்டி பதிவு செய்திருக்கிறார்.
