யாழ்ப்பாணத்தில் கோவிட் தடுப்பூசியேற்றும் வேலைத்திட்டம் இன்றுஆரம்பிக்கப்படவுள்ளது. இதுதொடர்பாக மாவட்ட செயலாளர் க.மகேசன் கருத்து வெளியிடுகையில்,
இன்று காலை 8.00 மணியிலிருந்து இரவு 8.00 மணி வரை தடுப்பூசி ஏற்றப்படும். 30 வயதிற்கு மேற்பட்டவர்களுக்கே தடுப்பூசி ஏற்றுவதற்கு நடவடிக்கை மேற்கொள்ளப்பட்டிருக்கிறது.
13 மத்திய நிலையங்கள் ஊடாக இந்த வேலைத்திட்டம் முன்னெடுக்கப்படும் என்று தெரிவித்தார். மக்கள் தமது விருப்பத்தின்படி தடுப்பூசியினை பெற்றுக்கொள்ள முடியும்.
எனினும் தடுப்பூசி நடவடிக்கைகளில் தெரிவு செய்யப்பட்ட நபர்களை தவிர வேறு பிரிவுகளில் இருந்தோ அல்லது பெயர் பட்டியலில் இல்லாதவர்கள் அங்கு செல்ல வேண்டாம் என அறிவுறுத்தப்பட்டுள்ளது.
அந்த கிராம உத்தியோகத்தர் பிரிவுகளில் கிராம உத்தியோகத்தர்கள் எத்தனை மணிக்கு அங்கே தடுப்பூசி பெற செல்ல வேண்டுமென மக்களை அறிவுறுத்துவார்கள்.
அந்த நேரத்திற்கு சரியாக சென்று தடுப்பூசியை பெற்றபின் வீடு திரும்ப முடியும். இராணுவத்தினர் பொலிசார் இணைந்து மக்களை வழிப்படுத்தும் செயற்பாட்டில் ஈடுபடுவார்கள் என அவர் மேலும் தெரிவித்தார்.
