தமிழ் திரையுலகில் முன்னணி நடிகராக வலம்வரும் விஜய், இன்று தனது 47-வது பிறந்தநாளை கொண்டாடி வருகிறார். இவருக்கு ரசிகர்களும், திரையுலக பிரபலங்களும் சமூக வலைதளம் வாயிலாக வாழ்த்துக்களை தெரிவித்து வருகின்றனர்.
இந்நிலையில், சென்னை நீலாங்கரையில் அமைந்துள்ள விஜய் வீட்டுக்கு வந்த ரசிகர்கள் சிலர், விஜய் அண்ணா.. வெளியில் வாருங்கள் என கோஷம் எழுப்பினர்.
பெண் ரசிகர்கள் சிலர் பரிசுப் பொருட்களுடன் விஜய் வீட்டின் முன்பு காத்திருக்கின்றனர். மேலும் சிலர் சாலையில் வரும், குடியிருப்புவாசிகளின் சொகுசு கார்களை மறித்து காருக்குள் விஜய் இருக்கிறாரா என்றும் ஆர்வமிகுதியால் பார்த்து வருகின்றனர். மேலும் விஜய் வெளியில் வந்து பார்க்க வேண்டும் என்று தர்ணா போராட்டத்தில் ஈடுபட்டுள்ளனர்.
