உலக அளவில் கொரோனா வைரசால் பாதிப்பு அடைந்தோர் பட்டியலில் இந்தோனேசியா16-வது இடத்தில் உள்ளது.
கடந்த சில நாட்களாக இந்தோனேஷியா நாட்டில் கொரோனா வைரஸ் தொற்று வேகம் அதிகரித்து வருகிறது.
இந்நிலையில், இந்தோனேசியாவில் கடந்த 24 மணி நேரத்தில் 35,094 பேருக்கு கொரோனா தொற்று இருப்பது உறுதி செய்யப்பட்டுள்ளது. இதனால் அங்கு தொற்றால் பாதிக்கப்பட்டோர் எண்ணிக்கை 25 லட்சத்தை நெருங்குகிறது.
மேலும், கொரோனாவுக்கு ஒரே நாளில் 826 பேர் உயிரிழந்து உள்ளனா். இதையடுத்து, நாட்டில் மொத்த உயிரிழப்பு 65 ஆயிரத்து 457 ஆக உயா்ந்துள்ளது.
கொரோனாவில் இருந்து 20.52 லட்சம் பேர் குணமடைந்துள்ளனர். 3.73 லட்சத்துக்கும் அதிகமானோர் சிகிச்சை பெற்று வருகின்றனா் என அந்நாட்டு சுகாதாரத் துறை தெரிவித்துள்ளது.
