தினம் தினம் திருநாளே!’ தினப்பலன் ஆகஸ்ட் 14-ம் தேதிக்கான மேஷம் முதல் மீனம் வரை 12 ராசிகளுக்கான ராசிபலன் சிறப்புக் குறிப்பு……
27 நட்சத்திரங்களுக்கும் அந்த நட்சத்திரம் இடம் பெற்றிருக்கும் ராசியின் அடிப்படையில் சிறப்புப் பலன் சொல்லப்பட்டிருக்கிறது.
மேஷம்
மேஷ ராசி அன்பர்களே!
பல வகைகளிலும் அனுகூலமான நாள். சகோதர வகையில் எதிர்பாராத ஆதாயம் கிடைக்கும். நண்பர்களால் காரியங்களில் அனுகூலம் உண்டாகும். உறவினர்கள் வகையில் குடும்பத்தில் மகிழ்ச்சியுடன் செலவுகளும் ஏற்படும். மற்றவர்களுடன் வீண் விவாதம் செய்வதைத் தவிர்ப்பது நல்லது. வியாபாரத்தில் சில சங்கடங்கள் ஏற்படக்கூடும். விநாயகர் வழிபாடு நன்மைகளை அதிகரிக்கும்.
அசுவினி நட்சத்திரத்தில் பிறந்தவர்களுக்குச் சகோதரர்களால் காரிய அனுகூலம் உண்டாகும்.
பரணி நட்சத்திரத்தில் பிறந்தவர்களுக்கு, மகிழ்ச்சி தரும் செய்தி கிடைக்கக்கூடும்.
கிருத்திகை நட்சத்திரத்தில் பிறந்தவர்கள், புதிய முயற்சிகளில் ஈடுபடு வதைத் தவிர்க்கவும்.
ரிஷபம்
ரிஷப ராசி அன்பர்களே!
தந்தைவழியில் தேவையற்ற செலவுகள் ஏற்படக்கூடும். சிலருக்கு வயிறு தொடர்பான பிரச்னைகள் ஏற்படக்கூடும் என்பதால், உணவு விஷயத்தில் கவனமாக இருக்கவும். அக்கம்பக்கத்தில் இருப்பவர்களால் குடும்பத்தில் சில சங்கடங்கள் ஏற்படக்கூடும். பொறுமையைக் கடைப்பிடிக்கவேண்டியது அவசியம். வியாபாரம் எப்போதும்போல் நடைபெறும். சிவபெருமானை வழிபட, மகிழ்ச்சி கூடுதலாகும்.
கிருத்திகை நட்சத்திரத்தில் பிறந்தவர்கள், வீண் அலைச்சலைத் தவிர்க்கவும்.
ரோகிணி நட்சத்திரத்தில் பிறந்தவர்களுக்கு, இறைவழிபாட்டில் ஈடுபடும் வாய்ப்பு ஏற்படும்.
மிருகசீரிடம் நட்சத்திரத்தில் பிறந்தவர்களுக்குத் தாய்வழி உறவுகளால் ஆதாயம் உண்டாகும்.
மிதுனம்
மிதுன ராசி அன்பர்களே!
உடல்நலனில் கவனம் தேவை. நண்பர்கள் உதவி கேட்டு வருவார்கள். தாய்மாமன் வழியில் எதிர்பாராத செலவுகள் ஏற்படக்கூடும். மூன்றாவது நபரின் தலையீடு காரணமாக கணவன் – மனைவிக்கிடையே ஏற்பட்ட கருத்துவேறுபாடு நீங்கி அந்நியோன்யம் அதிகரிக்கும். வியாபாரத்தில் பணியாளர்களுக்காகச் செலவு செய்ய நேரிடும். மகாவிஷ்ணுவை வழிபடுவதன் மூலம் சிரமங்கள் குறையும்.
மிருகசீரிடம் நட்சத்திரத்தில் பிறந்தவர்களுக்கு, மனதில் சிறு சிறு குழப்பங்கள் ஏற்பட்டு நீங்கும்.
திருவாதிரை நட்சத்திரத்தில் பிறந்தவர்களுக்கு, எதிர்பாராத பண வரவுக்கு வாய்ப்பு உண்டு.
புனர்பூசம் நட்சத்திரத்தில் பிறந்தவர்களுக்கு, வாழ்க்கைத்துணைவழி உறவினர்களால் செலவுகள் ஏற்படும்.
கடகம்
கடக ராசி அன்பர்களே!
நண்பர்கள் வகையில் எதிர்பார்த்த காரியம் அனுகூலமாக முடியும். புதிய முயற்சிகளில் ஈடுபட உகந்த நாள். வாழ்க்கைத் துணைவர் வழியில் செலவுகள் ஏற்படும். இளைய சகோதர வகையில் ஆதாயம் உண்டாகும். பிள்ளைகளால் வீட்டில் உற்சாகமான சூழ்நிலை ஏற்படும். மனதில் தன்னம்பிக்கையுடன் செயல்படுவீர்கள். வியாபாரத்தில் லாபம் கூடுதலாகக் கிடைப்பது மகிழ்ச்சி தரும். விநாயகரை வழிபட, காரியங்களில் வெற்றி ஏற்படும்.
புனர்பூசம் நட்சத்திரத்தில் பிறந்தவர்கள், உறவினர்களிடம் பேசும் போது பொறுமையைக் கடைப்பிடிக்கவும்.
பூசம் நட்சத்திரத்தில் பிறந்தவர்கள், தொடங்கும் புதிய முயற்சி அனுகூலமாக முடியும்.
ஆயில்யம் நட்சத்திரத்தில் பிறந்தவர்கள், மற்றவர்களுடன் அனுசரணையாக நடந்துகொள்வது அவசியம்..
சிம்மம்
சிம்ம ராசி அன்பர்களே!
தொடங்கும் காரியங்கள் சாதகமாக முடியும். எனினும், குடும்பம் தொடர்பான முக்கிய முடிவுகள் எதுவும் இன்றைக்கு எடுக்கவேண்டாம். நண்பர்களின் சந்திப்பு மகிழ்ச்சி தருவதாக இருக்கும். மற்றவர்களுடன் வீண் மனஸ்தாபம் ஏற்படக்கூடும் என்பதால் பேசும்போது பொறுமை அவசியம். வியாபாரத்தில் சக வியாபாரிகளின் உதவி கிடைப்பது மகிழ்ச்சி தரும். தட்சிணாமூர்த்தி வழிபாடு தடைகளைத் தகர்க்கும்.
மகம் நட்சத்திரத்தில் பிறந்தவர்களுக்கு, வாழ்க்கைத்துணையால் மகிழ்ச்சி உண்டாகும்.
பூரம் நட்சத்திரத்தில் பிறந்தவர்களுக்கு, வெளியூரிலிருந்து எதிர்பார்த்த நல்ல செய்தி கிடைக்க வாய்ப்பு உண்டு.
உத்திரம் நட்சத்திரத்தில் பிறந்தவர்களுக்கு, நண்பர்களிடம் எதிர்பார்த்த காரியம் அனுகூலமாகும்.
கன்னி
கன்னி ராசி அன்பர்களே!
எந்த முடிவையும் ஒருமுறைக்குப் பலமுறை யோசித்து எடுப்பது நல்லது. குடும்பத்தில் மற்றவர்களுடன் அனுசரித்துச் செல்லவும். கணவன் – மனைவிக்கிடையே சிறுசிறு பிரச்னை ஏற்படக்கூடும் என்பதால் பொறுமை அவசியம். தாயின் உடல் ஆரோக்கியத்தில் கவனம் செலுத்தவும். வியாபாரத்தில் பொறுமை மிகவும் அவசியம். அம்பிகை வழிபாடு அல்லல்களைப் போக்கி மன நிம்மதி தரும்.
உத்திரம் நட்சத்திரத்தில் பிறந்தவர்களுக்கு, நண்பர்களிடம் எதிர்பார்த்த காரியம் அனுகூலமாக முடியும்.
அஸ்தம் நட்சத்திரத்தில் பிறந்தவர்களுக்குப் பிள்ளைகள் மூலம் ஆதாயம் பெறும் வாய்ப்பு ஏற்படும்.
சித்திரை நட்சத்திரத்தில் பிறந்தவர்களுக்கு, எதிர்பாராத செலவுகளால் கையிருப்பு கரையும்.
துலாம்
துலா ராசி அன்பர்களே!
உற்சாகமாகச் செயல்படுவீர்கள். குடும்பத்தில் உள்ளவர்களின் தேவைகளை நிறைவேற்ற செலவு செய்ய நேரிடும். வாழ்க்கைத்துணை உங்கள் பணிகளில் பங்கெடுத்துக் கொள்வது ஆறுதலாக இருக்கும். சகோதர வகையில் சில சங்கடங்கள் ஏற்பட்டு நீங்கும். பிள்ளைகள் உதவிகரமாக இருப்பார்கள். வியாபாரம் வழக்கம்போல் நடைபெறும். ஆஞ்சநேயர் வழிபாடு நன்மைகளை அதிகரிக்கச் செய்யும்.
சித்திரை நட்சத்திரத்தில் பிறந்தவர்களுக்குப் பிற்பகலுக்குமேல் காரியங்களில் அனுகூலம் உண்டாகும்.
சுவாதி நட்சத்திரத்தில் பிறந்தவர்களுக்கு, உறவினர்களால் சில பிரச்னைகள் ஏற்பட்டு நீங்கும்.
விசாகம் நட்சத்திரத்தில் பிறந்தவர்களுக்கு, அதிகரிக்கும் செலவுகளால் கையிருப்பு குறையும்
விருச்சிகம்
விருச்சிக ராசி அன்பர்களே!
புதிய முயற்சிகளுக்கு மிகவும் அனுகூல மான நாள். குடும்பத்தினர் உங்கள் ஆலோசனையை ஏற்றுக்கொள்வர். வாழ்க்கைத்துணைவழி உறவுகளால் எதிர்பாராத ஆதாயம் ஏற்படும். சிலருக்கு எதிர்பாராத செலவுகளுக்கு வாய்ப்பு உண்டு. இளைய சகோதரர்கள் உதவி கேட்டு வருவார்கள். வியாபாரத்தில் பணியாளர்களின் ஒத்துழைப்பு நன்றாக இருக்கும். ஆறுமுகப்பெருமானை வழிபட அதிர்ஷ்ட வாய்ப்புகள் ஏற்படும்.
விசாகம் நட்சத்திரத்தில் பிறந்தவர்கள், பணம் கொடுக்கல் வாங்கலில் கவனமாக இருப்பது நல்லது.
அனுஷம் நட்சத்திரத்தில் பிறந்தவர்களுக்கு, எதிர்பார்த்த நல்ல செய்தி கிடைப்பதற்கு வாய்ப்பு உண்டு.
கேட்டை நட்சத்திரத்தில் பிறந்தவர்களுக்கு, வாழ்க்கைத்துணையால் வீண் செலவுகள் ஏற்படும்..
தனுசு
தனுசு ராசி அன்பர்களே!
சகோதரர்கள் வகையில் அலைச்சலுடன் ஆதாயமும் இருக்கும். அவசர முடிவுகளைத் தவிர்க்கவும். பிள்ளைகளின் விருப்பத்தைப் பூர்த்தி செய்வீர்கள். சிலருக்குத் திடீர் பணவரவுக்கும் வாய்ப்பு உண்டு. பிற்பகலுக்குமேல் கணவன் – மனைவிக்கிடையே அந்நியோன்யம் அதிகரிக்கும். வியாபாரத்தில் விற்பனையும் லாபமும் எதிர்பார்த்ததை விடவும் கூடுதலாக இருக்கும். இன்று மகாலட்சுமி வழிபாடு நன்மைகளை அதிகரிக்கும்.
மூலம் நட்சத்திரத்தில் பிறந்தவர்களுக்குத் திடீர் பணவரவுடன் வீண் செலவுகளுக்கும் வாய்ப்பு உண்டு.
பூராடம் நட்சத்திரத்தில் பிறந்தவர்களுக்குப் பிற்பகலுக்குமேல் வாழ்க்கைத்துணை மூலம் பணவரவு கிடைக்கக்கூடும்.
உத்திராடம் நட்சத்திரத்தில் பிறந்தவர்களுக்குத் தந்தைவழி உறவினர் களால் செலவுகள் ஏற்படும்.
மகரம்
மகர ராசி அன்பர்களே!
காரியங்களில் அனுகூலம் உண்டாகும் நாள். பிள்ளைகளால் ஏற்பட்ட பிரச்னைகள் நீங்கும். செலவுகளைச் சமாளிக்கத் தேவையான பணம் இருப்பதால் உற்சாகமாகவே இருப்பீர்கள். வாழ்க்கைத்துணையுடன் ஏற்பட்ட கருத்து வேறுபாடு நீங்கும். வியாபாரத்தில் விற்பனையை அதிகரிப்பதில் பணியாளர்கள் உற்சாகத்துடன் செயல்படுவார்கள். வேங்கடேச பெருமாளை வழிபடுவ தன் மூலம் விருப்பம் நிறைவேறும்.
உத்திராடம் நட்சத்திரத்தில் பிறந்தவர்களுக்குப் பிற்பகலுக்குமேல் காரியங்களில் அனுகூலம் உண்டாகும்.
திருவோணம் நட்சத்திரத்தில் பிறந்தவர்களுக்கு, எதிர்பாராத பண வரவுக்கு வாய்ப்பு உண்டு.
அவிட்டம் நட்சத்திரத்தில் பிறந்தவர்கள், மற்றவர்களுடன் வீண் விவாதம் செய்வதைத் தவிர்க்கவும்.
கும்பம்
கும்ப ராசி அன்பர்களே!
மனதில் இனம் தெரியாத குழப்பம் ஏற்படும். அன்றாடப் பணிகளிலும் கூடுதல் கவனம் தேவை. தாய்வழி உறவுகளுக்காக செலவு செய்யவேண்டி இருக்கும் கணவன் – மனைவிக்கிடையே வீண் விவாதங்கள் ஏற்படக்கூடும் என்பதால், பொறுமையைக் கடைப்பிடிப் பது நல்லது. வியாபாரம் சற்று சுமாராகத்தான் இருக்கும். காலபைரவரை வழிபடுவதன் மூலம் மனதில் தெளிவு பிறக்கும்.
அவிட்டம் நட்சத்திரத்தில் பிறந்தவர்களுக்கு, உறவினர்களால் ஆதாயம் கிடைக்கும்.
சதயம் நட்சத்திரத்தில் பிறந்தவர்கள், புதிய முயற்சிகள் மேற்கொள்வதை தவிர்ப்பது நல்லது.
பூரட்டாதி நட்சத்திரத்தில் பிறந்தவர்கள், உடல் ஆரோக்கியத்தில் கவனம் செலுத்தவும்.
மீனம்
மீன ராசி அன்பர்களே!
வீட்டில் கலகலப்பான சூழ்நிலை காணப்படும். புதிய முயற்சிகள் சாதகமாக முடியும். வாழ்க்கைத்துணையால் மகிழ்ச்சி உண்டாகும். வாழ்க்கைத் துணை உங்கள் முயற்சிக்கு ஆதரவாக இருப்பார். சிலருக்குப் பிள்ளைகள் மூலம் பணவரவுக்கு வாய்ப்பு உண்டு. தாய்வழி உறவுகள் அனுசரணையாக நடந்துகொள்வார்கள். வியாபாரம் வழக்கம்போல் நடைபெறும். இன்று நீங்கள் விநாயகரை வழிபட நற்பலன்கள் அதிகரிக்கும்.
பூரட்டாதி நட்சத்திரத்தில் பிறந்தவர்களுக்குத் தாய்வழி உறவினர்களால் எதிர்பார்த்த காரியம் அனுகூலமாக முடியும்.
உத்திரட்டாதி நட்சத்திரத்தில் பிறந்தவர்களுக்கு, நண்பர்களின் சந்திப்பு மகிழ்ச்சியுடன் ஆதாயம் தருவதாக இருக்கும்.
ரேவதி நட்சத்திரத்தில் பிறந்தவர்களுக்கு, வாழ்க்கைத்துணையால் பணவரவுக்கு வாய்ப்பு உண்டு
