நடிகை திரிஷா பொன்னியின் செல்வன் படப்பிடிப்பு தளத்திலிருந்து எடுக்கப்பட்ட புகைப்படம் ஒன்று தனது இன்ஸ்டாகிராம் பக்கத்தில் வெளியிட்டுள்ளார்.
தென்னிந்திய திரையுலகில் முன்னணி இயக்குனராக இருப்பவர் இயக்குனர் மணிரத்னம். தற்போது இவரது இயக்கத்தில் பிரம்மாண்டமாக உருவாகி வரும் திரைப்படம் பொன்னியின் செல்வன். இந்த படம் இரண்டு பாகங்களாக தயாராகிறது.
இந்த படத்தில் விக்ரம், ஜெயம் ரவி, கார்த்தி, பிரகாஷ்ராஜ், சரத்குமார், ஜெயராம், பார்த்திபன், திரிஷா, ஐஸ்வர்யா ராய் என பெரிய நட்சத்திர பட்டாளமே நடிக்கிறது. இந்த திரைப்படத்தை லைக்கா புரொடக்ஷன்ஸ் மற்றும் மெட்ராஸ் டாக்கீஸ் இணைந்து தயாரிக்கிறது.
மேலும், இந்த திரைப்படத்திற்கு இசைப்புயல் ஏ ஆர் ரகுமான் இசையமைக்கிறார். இந்நிலையில், பொன்னியின் செல்வன் திரைப்படத்தின் படப்பிடிப்பு மத்திய பிரதேச மாநிலத்தின் குவாலியரில் உள்ள ஆஷாவின் நடைபெற்று வருகிறது.
நடிகை திரிஷா படப்பிடிப்பு தளத்தில் எடுக்கப்பட்ட புகைப்படம் ஒன்றை தனது இன்ஸ்டாகிராம் பக்கத்தில் வெளியிட்டுள்ளார். தற்போது, அந்த புகைப்படம் சமூக வலைதளங்களில் வேகமாக பரவி வருகிறது.
