தமிழ் சினிமாவின் முன்னணி நடிகரான தளபதி விஜய் தற்போது இயக்குனர் நெல்சன் திலீப்குமார் இயக்கத்தில் டீஸ்ட் படத்தில் நடித்துள்ளார்.இந்த படத்தில் விஜய்க்கு ஜோடியாக நடிகை பூஜா ஹெக்டே நடிக்கிறார். மேலும், இந்த படத்தில் யோகி பாபு, செல்வராகவன் உள்ளிட்ட திரை பிரபலங்கள் பலரும் நடித்து வருகின்றனர்.
இந்த படத்திற்கு ராக்ஸ்டார் அனிருத் இசையமைத்து வருகிறார். மேலும், இந்த படத்தை சன் பிக்சர்ஸ் தயாரிப்பு நிறுவனம் தயாரிக்கிறது.
இந்த நிலையில் நேற்றுடன் பீஸ்ட் படத்தின் படப்பிடிப்பு முழுவதும் முடிவடைந்துவிட்டதாக படக்குழு அறிவித்திருந்தது. விரைவில் இந்த படத்தின் டீசர் மற்றும் டிரைலர் வெளியாகும் என எதிர்பார்க்கப்படுகிறது. இந்த படம் அடுத்தாண்டு ஏப்ரல் அல்லது மே மாதத்தில் வெளியாகக்கூடும் என எதிர்பார்க்கப்படுகிறது.
இந்த நிலையில் விஜய் அடுத்ததாக நடிக்கும் தளபதி 66 திரைப்படம் குறித்த தகவல் சமூக வலைதளங்களில் தீயாக பரவி வருகிறது. அந்த வகையில் இந்த படத்தின் படப்பிடிப்பு அடுத்த வருடம் பிப்ரவரி அல்லது மார்ச் மாதம் துவங்க இருப்பதாக சமூக வலைதளங்களில் பரவி வருகிறது.
