நாட்டில் மேலும் 21 கோவிட் மரணங்கள் பதிவாகியுள்ளதாக அரசாங்க தகவல் திணைக்களம் தெரிவித்துள்ளது.
சுகாதார சேவைகள் பணிப்பாளர் நாயகத்தின் உறுதிப்படுத்தலுடன் இன்று வெளியிட்ட அறிக்கையிலேயே குறித்த விடயம் தெரிவிக்கப்பட்டுள்ளது.
இவ்வாறு உயிரிழந்தவர்களில் 14 ஆண்களும், 07 பெண்களும் உள்ளடங்குகின்றனர்.
குறித்த அறிக்கையின் படி, இதுவரையில் 14,923 ஆக இருந்த கோவிட் மரணங்களின் எண்ணிக்கை தற்போது 14,944 ஆக அதிகரித்துள்ளது.
இதேவேளை, நாட்டில் இன்று 419 பேர் கோவிட் தொற்றாளர்களாக அடையாளம் காணப்பட்டுள்ளனர்.
