சாவகச்சேரி ஆதார வைத்தியசாலையில் கட்டட நிர்மாணப் பணிகளுக்காக வைக்கப்பட்ட பல இலட்சம் ரூபா பெறுமதியான பொருட்கள் இரவோடு இரவாக திருடப்பட்டுள்ளன.
குறித்த வைத்தியசாலையில் இரவு நேரப் பாதுகாப்பு உத்தியோகத்தர் கடமையிலிருந்த நிலையில் வைத்தியசாலையின் பின்புற வாயிலால் உழவு இயந்திரம் மூலம் பொருட்கள் ஏற்றப்பட்டு முன்பக்க வாயில் வழியாக வெளியே எடுத்துச் செல்லப்பட்டுள்ளதாக கூறப்படுகிறது.
இச்சம்பவத்துடன் வைத்தியசாலை உத்தியோகத்தர் ஒருவருக்குத் தொடர்பு இருப்பதாக தகவல் கசிந்துள்ளது.
எனினும் குறித்த விடயம் தொடர்பில் நடவடிக்கை எடுக்குமாறு வைத்தியசாலை நிர்வாகத்தினரால் வடக்கு மாகாண சுகாதார சேவைகள் பணிப்பாளருக்கு அறிவிக்கப்பட்டுள்ளதாக எமது பிராந்திய செய்தியாளர் தெரிவித்தார்.
